Muqdisho (Caasimada Online) – Maamulka Somaliland ayaa shaaca ka qaaday inuu sii kordhaayo khilaafka ka taagan Hawada Somalia iyo maamulka Somaliland.
Maamulka ayaa sheegay in dowlada Federaalka ay ka shaqeyneyso in Hawada Somaliland laga maamulo gudaha Somalia.
Wasiirka Wasaarada Duulista Hawada Maamulka Soomaaliland Farxaan Aadan Haybe, ayaa sheegay in DFS ay dhinacyo badan u martay sida Hawada Somaliland looga maamuli lahaa magaalada Muqdisho.
Wasiirka waxa uu sheegay inay adkaan doonto in Hawada Somaliland lagu wareejiyo dowladda Somaaliya, waxa uuna cadeeyay in si hordhac ah ay DFS ka shaqeysay in lagu wareejinayo Hawada.
Waxa uu tilmaamay in Somalia loo go’aamiyay in maamulka Hawada lagu wareejiyo kadib shirar badan oo lagu qabtay qaar kamid ah Wadamada Caalamka, sida uu hadalka u dhigay.
Wasiirka Wasaarada Duulista Hawada Maamulka Soomaaliland Farxaan Aadan Haybe, ayaa sheegay in marnaba Maamulka Somaaliland uu aqbali doonin in Hawada Soomaaliya lagu wareejiyo dowladda Federaalka Soomaaliya.
Waxa uu intaa ku daray Wasiirka in Somaliland ay tahay mid kol hore Go’aan ka qaadatay arimaha Somalia isla markaan ay tahay dowladd Gooni ah wax kastana u madaxbanaan awoodna u leh in ay Hawadeeda Maamulato.
Sidoo kale, Wasiirka ayaa cod dheer ku sheegay inaanu waxba ka khuseyn go’aanada ay dajineyso DFS, waxa uuna cod dheer ku sheegay in Somaliland ay sii wadi doonto talaabada ay ku maamulaneyso Hawadeeda.
Dhinaca kale, DFS ayaa qaadatay go’aan ay dib kula soo laabaneyso Hawada Somalia.
Caasimada Online
Xafiiska Muqdisho
[email protected]