Garbahaarey (Caasimada Online) – Sida aan wararka ku heleyno waxaa goordhow Diyaarad ay ku burburtay Garoonka diyaaradaha Magaalada Garbahaareey ee Gobolka Gedo.
Diyaaradan ku burburtay Garoonka ayaa waxaa la sheegay in ay aheyd Diyaarad yar oo ah nuuca ay isticmaalaan QM.
Diyaarada dhacday ayaa sababsatay Cilad farsamo oo ku timid sida uu xaqiijiyay Guddoomiye ku-xigeenka Gobolka Gedo Cismaan Nuux Xaaji.
Guddoomiye ku-xigeenka Gobolka Gedo Cismaan Nuux Xaaji, ayaa xaqiijiyay in diyaaraddu ay bur burisay guryo dhowr ah oo ku dhawaa Garoonka Magaalada Garbahaareey.
Diyaarada ayaa waxaa ka kacay dab xoogan oo saameeyay dhammaan diyaarada , waxaana suuragashay in la badbaadiyo howlwadeenadii la socday diyaarada.
Sidoo kale, maamulka ayaa sheegay in diyaarada ay u rarneed Hay’adda WFP isla markaana ay siday Gargaar loogu tala galay Shacabka Gobolka Gedo.
Dhicitaanka diyaaradani ayaa kusoo beegmeysa xili dhawaan Garoonka Xamar ay kusoo dhacday diyaarad ay laheyd shirkad ka dhex shaqeysa Garoonka.
Caasimada Online
Xafiiska Garbahaarey
[email protected]