Tababaraha Chelsea Rafa Benitez ayaa shaaca ka qaaday inuu horaan ku guuleystay mid ka mid ah sababihii uu milkiile Roman Abramovich ugu dhiibay shaqada Blues ilaa dhamaadka xilli ciyaareedlka, wuxuuna arkinkaas ku sheegay inuu dib usoo celiyey waayihii gool dhalinta Fernando Torres.
Weeraryahanka heerka caalami ee dalka Spain ayaa ku dhibaatoonaayey gool dhalinta ka dib markii uu 50 milyan oo ginni kaga soo dhaqaaqay Liverpool laakiin wuxuu dib usoo noolaaday intii uu ka hoos ciyaarayey tababarahaan, wuxuuna dhaliyey lix gool shantiisii kulan ee ugu dambeysay.
Benitez, ayuu shaqadaan ugu dhiibay Abramovich inuu soo celiyo kalsoonidii Torres si uu uga magto qiimihii uu kazoo bixiyey. Laakiin tababarihii hore ee Liverpool ayaa u muuqda mid ku guuleystay arinkaas.
“Waa waxa ugu yare e keenaya kala duwnaashaha,” ayuu yiri Benitez. “Waan ogahay inuusan Fernando kulamo badan oo uu ciyaaray goolal dhalin laakiin hada wuxuu heystaa kalsooni badan wuxuuna dhalinayaa goolal.
“Waan u sheegnay inuu u ciyaaro si heer sare ah markii uu ku jiro Diilinta 18ka intii uu wax kale qaban lahaa markii aan booskaas joogno sababtoo ah waxaa gadaal ka caawinaya xidigo sida Hazard iyo Oscar oo kale ah.
“Fernando wuu fahamsan yahay wuuna isku dayaa midaas. Waa ciyaaryahan ay ka daba carari karaa daafacyadu, wax uu hada sameynayo waa wax uu horay usoo sameeyey. Mar walba wuxuu isku deyi jiray wax adag. Laga yaabee haatan inuu sidaas sameynayo uuna joogo booskii saxda ahaa.”
