Kismaayo (Caasimada Online) – Maamulka KMG ah ee Jubba, oo dhowaan heshiis la galay dowladda federaalka ah ee Somalia, ayaa maanta shaaca ka qaaday inay wada-hadal la geli doonaan Col. Barre Aadan Shire Hiiraale, oo sheegta madaxweynaha Jubaland.
Xildhibaan horey uga tirsanaa baarlamanka Somalia, imikana ka mid ah saraakiisha maamulka Jubba, ayaa shaaca ka qaaday in dadaallada nabadeed aysan ku ekaan doonin hehsiiska dhex maray Jubba iyo DF oo kaliya.
Waxa uu caddeeyey in maamulka Jubba oo uu ugu horeeyo hogaamiye Axmed Madoobe ay isku dayi doonaan inay heshiis la gaaraan dhammaan dhinacyada kaoso horjeeda maamulkaasi oo uu ku jiro Barre Hiiraale oo jooga duleedka Kismaayo.
Col. Hiiraale ayaa in mudda ahba ku hanjabayey inuu weerar dib ugu qaadi doono Kismaayo, islamarkaana ka qabsan doono kooxda Axmed Madoobe.
Si kastaba Hilowle oo wareysi siiyay warbaahinta Kismaayo24 ayaa sheegay inay sameyn doonaan wax kasta oo ay kaga hortagi karaan dagaal dib uga dhaca magaalada Kismaayo.
Halka ka dhagyeso hadalladiisa
Caasimada Online
Xafiiska Kismaayo
[email protected]