Muqdisho (Caasimada Online) Xukuumada Somalia ayaa sheegtay in Siyaasiyiinta iyo waxgaradka dhaliilsan Shirka Muqdisho in arintooda lagu xalin doono shirka dhowaan lagu wado inuu Kismaayo ka furmo.
Wasiirka arimaha gudaha iyo amniga qaranka xukuumada Somalia C/kariin Xuseen Guuleed, ayaa sheegay inay jiraan Siyaasiyiin iyo waliba beelo badan oo dhaliilsan shirka Muqdisho maalintiisii Seddexaad ka socda ee arimaha Jubbooyinka looga hadlayo.
Wuxuu sheegay in Shirkan midka xiga ee Kismaayo dhowaan ka dhici doono in lagu soo afjari doono colaadaha Jubbooyinka , waxaana uu sheegay in Siyaasiyiinta iyo Waxgaradka Shirka muqdisho iminka ka maqan in arintooda shirkaas dambe lagu xalin doono.
Dhamaan dhinacyada Jubbooyinka kasoo jeeda ee isugu jira kuwa shirka qeybta ka ah iyo kuwa dhaliilsanba inay taageeraan go’aanada shirkaasi kasoo baxa si looga gudbo is jiid jiid dambo oo jubbooyinka ka dhaca .
Beelaha qaar ayaa sheegaya in la xaqiray laguna sameeyay cadalad daro weyn sida ay ku dacwoonayaan waxaana jira kulamo gaar gar ah oo ay yeelanayaan inkastoo waqtiga shirka uu dhamaad ku dhawyahay saacada soo aadana lagu wado inuu soo idlaado .
Halkaan Hoose ka dhageyso Wasiirka Arimaha gudahja somalia
Caasimada Online
Xafiiska Muqdisho