Muqdisho (Caasimada online) Qaar ka mid ah xubnaha golaha wasiirada ayaa maanta yeeshay kulan gaar ah oo ay kaga arinsanayeen qilaafka soo kala dhexgalay madaxweynaha Soomaaliya iyo Raysal wasaare Saacid kaasi oo ka danbeeyay ka dib markii madaxweynaha uu ka dalbaday Raysal wasaaruhu inuu iscasilo.
Wasiiradaan oo gaaray qiyaastii ilaa iyo laabatan ayaa kulankooda ka dib waxay la kulmeen Raysal wasaaraha waxayna kala hadleen inuu u hogaansamo soo jeedinta madaxweynaha oo uu iscasilo, si loo dhameeyo ismari waaga, loona tanaasulo danta shacabka, horayna loo siiwado howlaha horyaala dowlada.
Qaar ka mid ah wasiiradaan oo Shabakada Caasimada ay helshay magacyadooda ayaa waxaa ka mid ah.
Fowsiyo Yuusuf Xaaji Adan Wasiirka arimaha dibada
C/kariin Xuseen Guuleed. wasiirka arimaha Gudaha
C/xakiin Xaaji Maxamuud Fiqi. wasiirka Gaashaandhiga
C/laahi Abyan Nuur. Wasiirka Arimaha Diinta
Cabdirisaaq Cumar Maxamed wasiirka qayraadka
C/rixamaan Dheere Wasiirka ku xigeenka Gaashaandhiga.
C/shakuur Cali Mire wasiir ku xigeenka warfaafinta.
Ibraahim Isaaq Yarow wasiir ku xigeenka Warfaafinta.
Jaamac Oday wasiir ku xigeenka arimaha Gudaha.
Maxamed Xasan Wasiir ku xigeenka Maaliyada
Maxamed Rashiid Wasiir ku xigeenka Maaliyada.
Nadiifo Maxamed Cismaan Wasiir ku xigeenka Howlaha Guud
Xasan Maxamed Jimcaale Wasiir ku xigeenka Cadaalada.
Warar soo baxaya waxay sheegayana in ra’isul waase Saacid kadib kulanka uu la qaatay golaha wasiirada ee iscasilaada ka dalbaday inuu kulan ooni ah la qaatay qaar kamid ah la taliyaashiisa uuna u usheegay inuusan marna xilka ka dageyn.
Si ra’isul wasaaraha loogu cadaadiyo iscasilaada ayay qaar ka mid ahw axay soo jeediyeen talo ah in iyaga ay xilka iska casilaan , waxaase arintu ay kasii dartay markii Saacid uu yiri ” Hadii ay xilka iska casilaan aniguna isla cawa ayaan ku dhawaaqayaa wasiirada cusub oo aan gor hore sii diyaariyay’
Hadalka Saacid ayaa cabsi kusii dhaliyay wasiiradan cadaadiska ku saarayay inuu iscasilo ra’siul wasaaraha dalka .
Madaxweynaha Soomaaliya Xasan Sheekh maxamuud ayaa ka dal baday ra’isul wasaare Saacid inuu xilka isaga dego kadib markii ay isku qabteen qaabka loo maareynayo xubnaha golaha wasiirada cusub , inakstoo Ra’isul wasaare Saacid uu arintaas ka ka biyo diiday.
Caasimada online
Xafiiska Muqdisho