Afar ruux oo gaajo iyo haraad ugu geeriyooday duleedka Gaalkacyo

Gaalkacyo (Caasimada Online) – Wararka aan ka heleyno gobolka Mudug ayaa sheegaya in xaalada abaarta ee ka jirta deegaanada Mudug ay kasii dareyso.

Xaalada abaarta ayaa sababtay in dadka qaarkii ay u dhintaan biyo iyo baad la’aanta, waxaana ilaa hadda la sheegayaa in ku dhawaad 4 ruux ay u geeriyoodeen.

Dadka abaarta u geeriyooday ayaa la sheegayaa inay ku sugnaayeen deegaan ku yaala duleedka magaalada Gaalkacyo ee gobolka Mudug.

Gaajada iyo haraadka ayaa muddooyinkii ugu dambeeyay waxay ka taagnaayeen deegaano badan oo Soomaaliya ah, waxayna abaarta ay saameysay inka badan 50% shacabka Soomaaliyeed.

Afarta ruux ee u geeriyootay abaarta ayaa waxaa kamid ahaa hooyo iy wiil yar oo ay dhashay, waxaana muddooyinkii ugu dambeeyay la sheegay ineysan helin biyo baad.

Abaaraha ka jira dalka Soomaaliya ayaa laga baqayaa inay macluul isku badalaan, waxaana ay abaarta saameysay dad aad u badan.

Caasimada Online
Xafiiska Muqdisho
Caasiamda@live.com