Muqdisho (Caasimada Online) – Golaha shacabka ayaa kulankiisa maanta go’aamiyay in natiijada doorashada 275-ta 2016-ka ay xalaal iyo kama dambeys tahay, isla markaana aan dib loogu celin doonin.
Codbixin qaraar loogu codeeyay sugidda xubinnimada iyo qaabka lagu waayo kursiga golaha waxaa ogaaday 180 Xildhibaan halka 4 ay ma aamuseen.
Golaha waxaa uu sidoo kale ka hadlay in sababta keliya ee doorashada loogu celin karo ay tahay 6-da qodob.
Qodobada ayaa waxaa kamid ah:
1-Xildhibaanka oo geeriyooda.
2-Xildhibaanka oo ay la soo gudboonaato Xaalad xil gudasho la’aan oo joogto ah.
3-Xildhibaanka oo qabta xil dowladeed oo aan ka ahayn kuwa golaha Wasiirada.
4-Xildhibaanka oo istiqaalo u gudbiya golaha uu ka tirsan yahay lagana aqbalo.
5-Ka maqnaasho labo Kalfadhi oo Caadi ah sidoo kalena ah joogto sabab la’aan.
Qodobada xeerka ah ayaa waxaa Xildhibaanada baarlamaanka Somalia ka hor aqriyay Guddoomiye ku-Xigeenka Baarlamaanka Mahad Cabdalla Cawad.
