Arsenal oo Janaayo dooneysa Nani iyo Mohamed Diame.

Arsenal ayaa qorsheyneysa inay Janaayo lasoo wareegto xidiga kooxda Manchester United garabka uga ciyaara Nani, sida uu qoray Daily Mail.

Ciyaaryahanka heerka caalami ee dalka Portugal ayaan kulan horyaalka ah kusoo bilaaban tan iyo bishii November ka dib markii uu Alex Ferguson ka diiday inuu heshiiska kooxda u dheereeyo, iyadoo uu qadaraaskiisu dhacayo 2014.

26-jirkaan ayaa ku dhowaa inuu ku biiro kooxda Ruushka ah Zenit St Petersburg Janaayo ka hor inta uusan kooxda kala doodin wax ku saabsan mushaar kordhin.

Waxaana xidigaan laga saaray calendar-ka kooxda ee sanadka soo aadan taas oo sii qastay xaalkiisa aan awalba salka dhulka ku heyn.

Dhanka kale, Arsene Wenger ayaa sidoo kale isha ku haaya xidiga qadka dhexe ee kooxda West Ham United Mohamed Diame, kaasoo qandaraaskiisa lagu burburin karo 3.5 milyan oo ginni.