Tababaraha Arsenal Arsene Wenger ayaa doonaya inuu bisha soo aadan lasoo saxiixdo gool dhaliyaha kooxda Schalke Klass-Jan Huntelaar wuxuuna kusoo heli karaa 6 milyan oo ginni.
Xidiga heerka caalami ee qarankaHollandayaa waxaa si is daba joog ah furintaankii xilli ciyaareedkan u dhaawanaayey wakiilo ka socda Arsenal.
Manager Wenger ayaa waqti dheer isha ku haayey 29-jirkaan weerarka ka ciyaara wuxuuna ku fashilmay inuu waqti hore lasoo saxiixdo.
Ka dib markii uu la tashi la sameeyey wakiilka u qaabilsan indha-indheyna Steve Rowley, tababaraha Arsenal ayaa go’aan ku gaaray inuu Janaayo dalab u diro ninka ka ciyaara weerarka dhexe. Qamndaraaska Huntelaar wuxuu dhacayaa dhamaadka xilli ciyaareedka.
Dhanka kale Wenger wuxuu isha ku hayaa inuu amah kula soo wareego Thierry Henry halka uu doonayo inuu 9 milyan oo ginni kula soo saxiixdo ciyaaryahanka garabka uga ciyaara Crystal Palace Wilfried Zaha.
Gunners ayaa sidoo kale suuqa ugu jirta inay lasoo wareegto goolhayaha kooxda Liverpool Pepe Reina kaasoo loo maleynayo inuu noqdo gool ilaaliyaha dooqa koowaad ee Wenger.
Waxaa Qoray: Ahmed Jaangoan
E-mail: jangoan@hotmail.com
Caasimada – Mogadishu.
