Muqdisho (Caasimada Online)-Magaalada Muqdisho waxaa maanta lagu aasay allaha ha u na xariistee Cali Xasan Aadan (Cali Hiiraan) oo ka mid ahaa jilayaasha ugu caansan Soomaaliya, gaar ahaan magaalada Muqdisho.
Marxuumka ayaa saakay aroortii wuxuu ku geeriyooday Isbitaalka Madiina halkaasoo uu maalmahan uu ku xanuunsanayay.
Aaskiisa waxaa ka qaybgalay dad u badan wariyaal iyo dadweyne kale, waxaana lagu aasay qabuuraha Barakaat ee duleedka Muqdisho.
Marxuumka ayaa ifka uga tagay afar carruur ah oo uu dhalay
Wuxuu la soo shaqeeyay Idaacado fara badan oo ku yaalla caasimada sidoo kale wuxuu la shaqeeyay Talafishanada af Soomaaliga ku hadla.
Marxuum Cali Hiiraan ayaa in u dhintay xanuun in muddo hayay, kaasoo markii dambe uu u galay Isbitaal.
Dhammaan maamulka iyo shaqaalaha Shabaladda Caasimada Online waxa ay tacsi u dirayaan dadkii uu ka baxay marxuumka.
Caasimada Online
Xafiiska Wararka Muqdisho
Caasimada@live.com
