Muqdisho (Caasimada Online) – Sida ay sheegayaan wararka inaga soo gaaraya wadada maka Al-Mukarama ciidamo ka tirsan Militariga dowladda Federalka Soomaaliya oo ka cabanaya mushaar la’aan ayaa isugu soo baxay qaybo ka mid ah wadadaasi.
Ciidanka qaar ayaa u dhaqaaqay dhanka xaafadda Buulo Xuubey, gaar ahaan Suuqa Buulo Xuubey oo ganacsigii ay joojiyeen.
Halka qaar kale ay u soo dhaqaaqeen dhanka wadada Maka Al-Mukarama, iyaga oo tiro badan ayaana lagu arkay Isgoyska Soobe, KM4 ilaa iyo Dabka.
Dad goobjoogayaal ah oo arkay ciidamadan ayaa sheegay ciidanka inaysan wax dhibaato u geysan dadka shacabka ah, balse ay ahaayeen ciidan muujinaayay mushaar la’aanta haysata.
Tan iyo markii madaxweyne loo doortay Maxamed Cabdulaahi Farmaajo waxaa jirtay rajo iyo farxad ay qabeen ciidamada xooga dalka Soomaaliya.
Sidoo kale waxaa madaxweynaha marka uu xilka qabtay uu bixiyay qaar kamid ah mushaaraadka ay lahaayeen ciidamada booliska Somaaliyeed.
Caasimada Online
Xafiiska Muqdisho
[email protected]
[email protected]
- Advertisement -