Kampala(Caasimada Online) – Magaalada Kampala ee dalka Uganda waxaa ka dhacay kulan gaar ahaa oo dhexmaray madaxweynihii hore ee Soomaaliya Sheikh Shariif Sheikh Axmed iyo madaxweynaha maamulka Galmudug C/kariin Xuseen Guuleed.
Kulanka ayaa ka dambeeyay kadib markii madaxweyne C/Kariin Xuseen Guuleed uu gurigiisa ku booqday madaxweyne hore Sheikh Shariif Sheikh, kaasi oo ku yaala magaalada Kampala ee dalka Uganda.
Kulankaasi ayaa waxaa kasoo baxayay warar dheeraad ah, waxaana la ogeyn ujeedada uu C/kariin Guuleed u tagay hoyga Kampala uu ka degen yahay madaxweyne hore Sheikh Shariif Sheikh Axmed.
Waxyaabaha ugu waaweyn ee kulankaasi uu ku saabsanaa ayaa ahaa arimaha doorashada sanadkaan ka dhaceyso dalka Soomaaliya, iyadoo aan la ogeyn waxyaabaha ilaa iyo hadda Sheikh Shariif uu ka shaacin la yahay inuu musharax yahay.