Dilalka Muqdisho oo sii kordhaya iyo caawa oo la dilay guddoomiyihii…

Muqdisho (Caasimada Online) – War goordhow nasoo gaaray ayaa sheegaya in Caawa la toogtay Guddoomiye Waaxeed ka tirsanaa maamulka Degmada yaaqshiid.

Dilka Guddoomiye waaxeedka ayaa la sheegay inuu ka dhacay xaafada Sanca ee Degmada yaaqshiid ee Gobolka Banaadir.

Marxuumka ayaa waxaa lagu magacaabi jiray Macalin Shabeelow oo ka tirsanaa Guddoomiye waaxeedyada Degmadaasi.

Dilka ayaa waxaa geystay Kooxo ku hubeysnaa Bastoolado kuwaa oo dilka kadib ka baxsaday goobta.

Dilka kadib ayaa waxaa goobta gaaray Ciidanka ammaanka oo halkaasi ku qabqabtay ilaa 13 ruux oo ku sugnaa Goobta uu dilka ka dhacay.

Dilkaani ayaa barbar socda dilal dhowr ah oo ka dhacaayay magaalada Muqdisho tan iyo markii la doortay Madaxweynaha Somalia.

Caasimada Online
Xafiiska Muqdisho
Caasimada@live.com