Nairobi (Caasimada Online) – Magaalada Nairobi ee caasimada dalka Kenya, waxaa maalmihii tagay ka dhacay shir la sheegay in looga arrinsanayo aayaha gobollada dhexe ee dalka Somalia iyo sidii maamul loogu sameyn lahaa.
Si kastaba odayaasha dhaqanka ee Beelaha Hawiye, ayaa ka soo horjeestay shirkaas, kana digay islamarkaana ku baaqay in si deg deg ah looga tanaashulo.
Guddoomiyaha Odayaasha Beelaha Hawiye Maxamed Xasan Xaad ayaa shirkaasi ku tilmaamay mid luggooyo ku ah dadka deegaanka oo aan loo dhameyn, sidaa darteedna laga waantoobo.
Xaad, ayaa shaaca ka qaaday in ujeedka laga lee yahay shirkaasi uu yahay sidii la isaga hor keeni lahaa dadka deegaanka, colaadna loo abuuri lahaa.
Waxa uu ku hanjabay in haddii dadka ku howlan arrimahaasi aysan si deg deg ah u joojin inay ku kacin doonaan dadka deegaanka sida uu hadalka u dhigay.
Halkan ka dhageyso Xaad
Caasimada Online
Xafiiska Nairobi
[email protected]