DHAGEYSO: Lafta-Gareen: “Xildhibaanada BF qaska ha ka joojiyaan Baydhaba”

Baydhabo (Caasimadda Online) – Musharrax madaxtinimada Maamulka Koonfur Galbeed C/Casiis Xasan Lafta-Gareen, ayaa ka hadlay Xildhibaannada ka tirsan Baarlamaanka Federaalka ee Warbaahinta ka hadal haya Ciidamada ay dowladda dhexe geysay Baydhaba.

C/Casiis,waxaa uu sheegay in Xildhibaannada Federaalka ay shaqadoodu tahay in xaqa degaannada ay matalaan ka keenaan dowladda dhexe ee aysan ku mashquulin dowlad Goboleedyada gaar ahaan Koofur Galbeed.

Waxaa uu sheegay in Ciidamada dowladda dhexe geyneyso Magaalada Baydhaba ay codsadeen maamulka Koofur Galbeed.

Lafta-Gareen ayaa sheegay in amniga dalka ay mas’uul ka tahay dowladda dhexe,islamarkaana Ciidanka horay u joogay Baydhaba iyo kuwa hadda la geeyayba ay leedahay dowladda Federaalka ah.

Musharax Cabdi Casiis Xasan Maxamed laftagareen ayaa ka mid ah musharixiinta Madaxweynaha Koonfur Galbeed, waxaana dad badan ay  aaminsan yihiin in dowladda federalka Soomaaliya ay wadato.

Hoos Ka Dhageyso Codka Cabdi Casiis laftagareen.

Caasimada Online
Xafiiska Muqdisho
Caasimada@live.com