Muqdisho ( Caasimadda Online)- Guddoomiyaha Baarlamaanka Soomaaliya Maxamed Cismaan Jawaari ayaa madaxweynaha Soomaaliya Maxamed Cabdullaahi Farmaajo iyo Ra,isulwasaaraha Soomaaliya Xasan Cali Kheyre u diray waraaq uu kaga dalbanayo inay soo cadeeyaan mowqifkooda ku aadan heshiiska saldhigga Berbera ee Imaaraadka lagu siiyey Dakadda Berbera.
Caasimadda Online ayaa heshay nuqul kamid ah waraaqihii uu guddoomiyaha u diray madaxweynaha Soomaaliya iyo Ra,isulwasaaraha.
Gudoomiyaha ayaa sidoo kale waraaqahaan kusoo lifaaqay liiska iyo saxiixa Xildhibaanadii mooshinka usoo gudbiyey Baarlamaanka Soomaaliya.
Ilaa dhowr Xildhibaan ayaa guddoomiyaha Baarlamaanka usoo gudbiyey mooshin ka dhan ah saldhigga ay Imaaraadka ka sameynsan rabto Dakadda Berbera kadib markii ay heshiis la gashay Maamulka Somaliland.
Baarlamaankan Soomaaliya ayaa laga filayey inuu go,aan cad ka qaato heshiiskaas markii la hor keenay mooshin ka dhan ah balse Jawaari ayaa cayaaray nashqad kale wuxuuna go,aanka arrintaan u wareejiyey madaxweynaha iyo Ra,isulwasaaraha, wuxuuna arrintaan kala kulmay cambaareyn badan.
Haddaba halkaan hoose oa aqriso waraaqaha uu Jawaari u diray Madaxweynaha iyo Ra,isulwasaaraha:
