Muqdisho (Caasimada Online) – Guddoomiyaha Gobolka Banaadir Thaabit Cabdi Maxamed ayaa la filayaa inuu saacadaha soo socdo isbadal ku sameeyo guddoomiyayaasha degmooyink Gobolka Banaadir.
Guddoomiyaha ayaa la filayaa inuu xilal cusub u magacaabo shaqsiyaad u badan qurbo-joog iyadoo sidoo kale haweynka la siin doono degmooyin badan.
Arrinta ugu xiisaha badan ayaa ah in markii ugu horeysay Gobolka Banaadir loo qeybsan doono qaabka loo yaqaan 4.5 ee loo qeybsaday dowladda Federaalka Soomaaliya, taasoo laga yaabo inay xamaasad cusub ka dhex dhaliso beelaha qaar iyo dowladda dhexe.
Beelaha qaar ayaa markii ugu horeysay kasoo muuqan doono xilalka Degmooyinka Gobolka Banaadir.
Guddoomiyaha ayaa la filayaa inuu saacadaha soo socdo ku dhawaaqo isbadalkaan cusub, waana idinla wadaagi doonaan Inshaa Allah
