Gudoomiye ku xigeenka BF, Cawad oo soo saaray warqad maxkamadeed

By Idil Muxumad Cabdi

Muqdisho (Caasimada Online) – Guddoomiye ku xigeenka labaad ee golaha Baarlabaanka Soomaaliya Mahad Cawad ayaa soo saaray warqad maxkameed oo ka dhan ah website-ka Muqdisho Online.

Cawad ayaa waxa uu ku eedeeyey in warbaahinta Muqdisho Online in ay sida uu sheegay ku xadgudubtay sharciga iyo xeerka saxaafadda.

Cawad ayaa warqadda ku amray in tallaabo sharci ah laga qaado warbaahintan, isaga oo sida uu sheegay diidan warbixin laga qoray, oo uu been ku sheegay.

Guddoomiye Cawad ayaa ku eedeeyay warsidaha Muqdisho Online in ay ku xadgudbeen xeerka saxaafadda madaxabannaan isagoo cuskaday qodobada kala ah Qodobka 4aad farqada 4.1, oo sheegayain ay saxaafadda ka reeban tahay warar been abuur ah.

Waxaa lagu eedeeyay in Muqdisho Online ay baahisay 23 November 2018 in Guddoomiye Ku xigeenka 2aad ee Golaha Shacabka qaatay laaluush, arrintan oo la xiriirta warbixintii guddiga maaliyadda.