Baydhabo (Caasimada Online) Magaalada Baydhabo waxaa ka socda qaban qaabada musharrixiinta u taagan xilka madaxweynaha ee Maamul gobaleed loo sameenaayo lix gobal oo ku yaalla koonfur galbeed ee dalka Soomaaliya.
Malaakh Maxamed Deerow, oo ka mid ah odayaasha u ololeenaya maamulkaas in uu qabsoomo ayaa Warbaahinta gudaha u sheegay in bishan 20-keeda la qaban doono doorashada maamulkaas.
Wuxuu sheegay in maalmaha soo socda ay filayaan in ay magaalada soo gaaraan musharrixiinta u taagan xilkaas, wuxuuna sheegay in la qaban doono doorashada maamulkaas.
Wuxuu sheegay in dhammaan ergada ka socda gobalada Baay,Bakool, Jubbada Hoose, Jubbada Dhexe, Gedo iyo Shabeelaha Hoose ay ku sugan yihiin magaalada Baydhabo.
Si kastaba, maamulkan ayaa waxaa u ololeenaya xildhibaanno, wasiiro, siyaasiyiin caan ah iyo xubno, waxaana looga soo horjeedaa maamulka kumeel gaarka ee Jubba.
Caasimada Online
Xafiiska Wararka Baydhabo
Caasimada Online
Xafiiska Wararka Muqdisho