Muqdisho (Caasimada Online) – War goordhow nasoo gaaray ayaa sheegaya in israsaaseyn ay ka dhacay magaalada Muqdisho ee caasimda Somalia.
Israsaaseynta oo ka dhacday Isgoyska Saybiyaano ee degmada Hodon, ayaa u dhexeeyay ciidamada dowladda Somalia oo la socday gaari nooca dagaalka ah iyo rag hubeysnaa oo la socday gaari raaxo.
Israsaaseynta oo muddo kooban soctay kadib ayaa waxa ay ciidamada dowlada toogasho ku dileen raga hubeysnaa oo saarnaa gaari nooca raaxadda ah oo marayay Isgoyska Saybiyaano ee degmada Hodon.
Ciidamda ayaa dilay labo ruux oo kamid ahaa ragga hubeysnaa ee saarnaa gaariga Raaxadda ah, waxaana sidoo kale dhaawacmay Saddex Askari oo saarnaa gaariga Cabdi bilaha oo ay la socdeen ciidamada.
Laba kamid ah meydadka ragga hubeysnaa iyo gaariga ay la socdeen ayaa yaala goobta, halka ciidamo gurmad ahaa ay goobta ka qaaden dhawacyada seddexda askari.
Sidoo kale, waxaa goobta ku sugan ciidamada sida gaarka ah u tababaran ee baara miinooyinka waxaana aad looga cabsi qabaa in gaariga ay la socdeen ragga hubeysnaa uu ay ku xiran yihiin walxaha Qarxa.
Si kastaba ha ahaatee, waxaan la ogeyn laba nin ay ee Ciidamada toogteen waxa ay ahaayeen, waxaana socda baaritaan.
Caasimada Online
Xafiiska Muqdisho
Caasimada@live.com
