Muqdisho (Caasimada Online)- War hoose oo heshay caasimadda Online ayaa xaqiijinayo inuu khilaaf weyn ka bilawday qaabkii loo qeybsan lahaa xubnaha golaha wasiirada uu magacaabayo Xasan Cali Kheyre uga soo aadayo Beesha Daarood.
Madaxweynaha iyo Ra’isulwasaraaha Soomaaliya ayaa labaduba isku raacay inay beelaha Daarood si siman u qeybsadaan xubanaha uga soo aado wasiirada waxaana arrintaan si weyn uga hor imaaday qaar kamid ah beelaha ku abtirsado Darood.
Qaar kamid ah xildhibaanada beeshaas ayaa lasoo sheegayaa inay diideyn in beesha uu madaxweynaha ka dhashay ay xubin ka helaan golaha wasiirada ee xukuumadda cusub, waxayna xildhibaanadaas soo jeediyeen in la siiyo beelo kale wixii kusoo aadi lahaa beesha uu madaxweynaha kasoo jeedo.
Waxaa hadda xafiiska Ra’isulwasaaraha iyo madaxweynaha ka taagan dood aad u kulul oo ku aadan arrintaas waxaana hadda socdo wada xaajoodyo hoose oo ay leeyihiin qeybaha ay ka kooban tahay Daarood waxaana la sheegay inuu khilaafkaan sabab u yahay dib u dhaca ku yimid ku dhawaaqista golaha wasiirada oo la filayey inuu Xasan shaaciyo saqda dhexe ee caawa .
Wararka ayaa sidoo kale sheegayo in la filayo in saacadaha soo socdo ay beeshaas ku heshiiso qaabka awood qeybsiga wasiirada haddii uu dhacana heshiiskaas waxaa la filayaa in isla caawaba lagu dhawaaqo golaha wasiirada .
Wixii warar ah ee kusoo kordha arrintaan waan idinla socod siin doonaa Inshaa Allah.
Caasimada Online
Xafiiska Muqdisho
[email protected]