Messi oo mustaqbalkiisa ciyaareed u hibeynaya Barcelona.

By Asad Cabdullahi Mataan

Lionel Messi ayaa diyaar u ah inuu qandaraas oo noloshiisa ugu hibeynayo Barcelona u saxiixo wuxuuna heshiiskaan ku qaadan doonaa mushaarka ugu badan ee ciyaaryahan koox Yurub ah ka qaato.

Ciyaaryahanka aabihi, Jorge, ayaa horaan wada xaajood ula furay Barcelona waxaana la rajeynayaa inay kooxda Catalan kordhiso qandaraaska uu haatan xidigaani kual jiro, taas micnaheeda ayaana ah inuu Barcelona lasii joogo ilaa uu 31 jirsado.

25-jirkaan ayaana loo kordhinayaa mushaarkiisa sanadlaha ah ee uu kooxda ka qaato, wuxuuna qandaraaskiisii ugu weynaa saxiixay sanadii 2009-10 markaasoo uu kooxda agaasime ka ahaa Txiki Begiristain iyo madaxweyne ku xigeenkiisa Marc Ingla.

Madaxweynaha Barcelona Sandro Rosell ayaa dhowrayey inuu xidigaan ka saxiixo heshiis uu kooxda kula sii joogayo inta uu mustaqbalkiisa ciyaareed soo afmeerayo ka hor laba sano.

Xidigaan ayaa kooxda sanadii mushaar ahaan kaga qaata 9 milyan oo ginni, wuxuuna ka dambeeyaa weeraryahanka Paris Saint-Germain Zlatan Ibrahimovic oo qaata £12m iyo Samuel Eto’o, oo £16m ka qaata Anzhi Makhachkala.

Liiska Xidigaha ugu Mushaarka badan caalamka wuxuu noqon doonaa sidaan:

1 Lionel Messi (Barcelona) £27.5m

2 David Beckham (Free agent) £26.2m

3 Cristiano Ronaldo (Real Madrid) £24.3m

4 S amuel Eto’o (Anzhi Makhachkala) £19.4m

5 Wayne Rooney (Manchester United) £17.2m

6 Zlatan Ibrahimovic (Paris St Germain) £16m

7 S ergio Aguero (Manchester City) £15.7m

8 Yaya Toure (Manchester City) £14.7m

9 Fernando Torres (Chelsea) £13.9m

10 Kaka (Real Madrid) £12.9m

Waxaa Qoray: Ahmed Jaangoan
E-mail: jangoan@hotmail.com
Caasimada – Mogadishu.