Madaafiic ah lagu garaacay dhismaha Villa Somalia

Muqdisho (Caasimada Online) – Warar kala duwan ayaa ka soo baxaya madaafiic xoogan oo goor dhow ku hoobtay dhismaha madaxtooyada ee magaalada Muqdisho.

Madaafiicda oo gaarayey illaa saddex ayaa waxaa la sheegay in mid ka mid ah uu ku dhacay xarunta safaaradda Itoobiye oo ku taalla gudaha Villa Soomaaliya.

Sidoo kale wararka ayaa intaasi ku daraya in labada hoobiye ee kale ay ku dhaceen xaafadaha Cagadhiig iyo Kaambada oo ka tirsan degmada Wardhiigley ee gobolka Banaadir.

Wararka qaar ayaa sheegaya in khasaare u badan dhaawac ay ka dhasheen madaafiicdaasi.

Ma jiro weli wax hadal ah oo ka soo baxay dhanka saraakiisha laamaha amniga ee dowladda Soomaaliya,.

Mana’ahan markii ugu horreysay oo hoobiyeyaal lagu weeraro dhismaha madaxtooyada Qaranka oo ah oo goob aad loo ilaaliyo.

Faah faahinta kala soco Caasimada Online

Caasimada Online
Xafiiska Muqdisho
caasimada@live.com