Madaafiic lagu garaacay qeybo kamid ah magaalada Muqdisho & Khasaaro ka dhashay

By Asad Cabdullahi Mataan

Muqdisho (Caasimada Online)-War goordhow naga soo gaaray degmada Hodan ee gobolka Banaadir ayaa sheegaya in xaafado ka tirsan Degmada ay ku dhaceen dhowr Madaafiic ah.

Dadka deegaanka ayaa sheegay in ilaa Seddex Madaafiic ay ku dhaceen qeybo ka mid ah xaafadaha degmada Hodan ee gobolka Banaadir.

Madaafiicda ugu badan ayaa ku dhacday Agagaarka Kulliyadda Jaalle Siyaad, waxaana la sheegayaa inay ku dhaawacmeen dad shacab ah.

Bartilmaameedka Madaafiicda ayaa la sheegay inuu ahaa Kulliyadda Jaalle Siyaad oo xiligaasi ay ku sugnaayen Ciidamo garabadan oo loo diyaarinaayay howlgal.

Madaafiicdaani, Qarxyada iyo dilalka ayaa qeyb ka ah amni darida maalmahaani ka taagan magaalada Muqdisho.

Lama oga tirada saxda ah ee waxyeelada ay kasoo gaartay Madaafiicda, inkastoo dadka deegaanka ay sheegen in Madaafiicda kadib ay halkaasi gaaren gaadiidka gurmadka.

Caasimada Online
Xafiiska Muqdisho
Caasimada@live.com