Madaxweynayaashii Jubaland oo Kulan ku yeeshay Xamar baaqna u diray DF

Asad Cabdullahi MataanBy Asad Cabdullahi Mataan

Muqdisho (Caasimada online) Magaalada Muqdisho Waxaa maanta ka dhacay kulan looga soo horjeedo Shirkii dhawaan dowlada Soomaaliya iyo Maamulka Axmed Madoobe Ku dhexmaray Magaalada Adis-Ababab ee Caasimadda Ethiopia .

Kulanka oo ka dhacay Hotel Saxafi ayaa waxaa kasoo qeyb galay Ugaasyo Waxgarad iyo Siyasiyiin kasoo jeeda deegaanada Gobolada Jubbooyinka iyo Gedo Waxaana Dhamaantood ay si kulul uga warbixyeen Shirkas iyo waxyaabaha ay ku dhaliilsan yihiin Heshiiska dowlada Soomaaliya iyo Maamulka Axmed Madoobe.

Shirka waxaa goob joog aka ahaa qaar kamid ah Madaxweynayaashii Maamulkii Jubbaland ee dhawaan Kismaayo kula galay Axmed Madoobe, waxaana Cabdi Shire Warsame oo ku hadlayay Afka Barre Aadan Shire Hiiraale Wuxuu Sheegay inay si aad ah uga soo horjeedaan Maamulka hoganka uu hayo Axmed Madoobe.

Waxay shaaca ka qaadeen in dowlada Soomaaliya ay kusameysay qiyaano , isagoo sheegay in loo bahan yahay in si deg deg ay dowlada Soomaaliya ay ua laabato Go’aanka ku aadan Shacabka dega Gobolada Jubbooyinka iyo Gedo oo  sid ay sheegeen ay hogaan uga dhigeen dad ay ku sheegeen inay yihiin cadowga goboladaas.

Ugaaska Beesha Sade oo dhankiisa Kulankaan ka hadlay ayaa sheegay in ka beel ahaan ay dhankooda si aad ah uga soo horjeedaan isla markana dowlada Soomaaaliya ay ka dalbanayaan inay si deg deg ah uga laabato go’aankeeda ku adan Jubbooyinka iyo Gedo.

Caasimada online

Xafiiska Muqdisho

Caasimada@live.com