Muqdisho (Caasimada online) Gudoomiyaha Maamulka KMG ah ee Jubba Axmed Maxamed Islaam Axmed Madoobe ayaa maanta soo gaaray Magaalada Muqdisho ee caasimada dalka Soomaaliya,waxana garoonka diyaaradaha Muqdisho ku soo dhaweeyay Mas’uuliyiin ka tirsan dowlada Soomaaliya.
Mas’uuliyiin ay kam mid yihiin Wasiirka rimaha gudha iyo amnig qaranka xukuumadda Soomaaliya, Wasiirka warfafinta Wasiirka garsoorka iyo Xubno kale oo ka mid ah xukuumadda Soomaaliya ayaa si weyn ugu soo dhaaweeyay Garoonka Aadan Cadde airport.
Axmed Madoobe markii uu ka soo degtay Garoonka ayaa durba waxaa loo gudbiyay howlka madaxda sare lagu casuume VIP-da halkaas oo uu saxafadda kula hadlay isagoona ka warbixiyay maatinkiisa Muqdisho.
Wuxuu sheegay in ujeedka uu usoo gaaray Muqdisho inay tahay inuu dowlada Soomaliya kala xaajoodo Dhameystika heshiiskii isaga iyo dowlada Soomaaliya ay kusoo kala saxiiixdeen magaalada Adis-Ababa ee dalka Ethiopia. iyo inuu ku qanciyo maamulkiisa dadka siyaasad ahaan kasoo horjeeda.
Halkan ka dhageyso Codka Axmed madoobe
Halkan ka dhageyso Axmed Madoobe
C/kariin Xuseen Guuleed , wasiirka arimaha Gudaha Soomaaliya o isna dhankiisa warbahinta la hadlay wuxuu sheegay inuu aad ugu faraxsan yahay imaatinka Muqdisho ee Axmed Madoobe.
Wuxuu sheegay in tani ay muujineyso xaalka iyo isku soo dhawaanshiyaha Maamulka Jubba iyo dowlada Soomaliya iyo in qariyay dul duleeldii muuqday markii hore isagoona u mahad celiyaya Axmed Madoobe.
Imatinka Axmed Madoobe ee Muqdisho ayaa ka dambeeysay ka gadaal markii xal loo helay khilaaf mudo soo jiitamayay oo u dhexeeyay isaga iyo dowlada Soomaaliya, inkastoo wali ay jiran dhaliilo ay muujinyaan siyaasiyiin Axmed Madoobe iyo maamulkiisa mucaradsan .
Halkaan ka dhageyso Codka Wasiirka Arimaha Gudaha iyo Amniga qaranka
Halkaan ka dhageyso Wasiirka Gaashaandhiggga
Daawo sawirrada
Caasimada online
Xafiiska Muqdisho
Caasimada@live.com
