Washington (Caasimada Online) – Madaxweynaha Mareykanka Joe Biden ayaa markii u horeysay si adag uga hadlay weerar ku saleysan cunsuriuad oo ka dhacay gobolka Florida.
Biden ayaa waxa uu sheegay in sarreynta caddaanka aysan meel ku laheyn dalkaasi, kadib weerarkaasi ku saleysan cunsuriyad ee lala beegsaday dad madow ah oo ka dhacay Florida.
“Waa in aan si cad oo xoog leh u sheegnaa in sarreynta cadaanka aysan meel ku lahayn Ameerika,” ayuu yiri madaxweyne Joe Biden.
Hadalka madaxweynaha ee lagu dhaleeceynayo toogashada saddex ruux oo madow ah ayaa yimid xilli loo dabbaal-degayey munaasabadda sannad-guuradii 60-aad ee socodkii hoggaamiyayaashii madawga ahaa ee Maraykanka ay ku baannaanbaxeen magaalada Washington 28kii Ogosto 1963.
Martin Luther King oo ka tagay hal-ku-dheg caan noqday oo ahaa “Waxaan leeyahay riyo.”
Boqolaal qof ayaa isugu tagay Kaniisadda, si ay baroor-diiq ugu sameeyaan saddex qof oo Madow ah oo uu xaafadda Jacksonville ku dilay 21 caddaan ah oo lagu magacaabo Ryan Palmer .
Sadexda ruux ee la dilay ayaa kala ahaa Angela Michelle Carr, oo 52 jir aheyd, AJ Laguerre oo 19 jir ah iyo Jerrald Gallion oo 29 jir ah.
