Magacyada dad Soomaali ah oo ku geeriyooday Libya ayaa la helay

Asad Cabdullahi MataanBy Asad Cabdullahi Mataan

Tripoli (Caasimada Online) Safaarada Soomaaliya ee waddanka Libya ayaa shaacisay qaar badan oo ah tahriibayaal Soomaali ah oo ku geeriyooday meel ku dhow magaalada Tripoli ee xarunta waddanka Libya.

Safiirka Soomaaliya ee dalka Libya Cabdi Xasan Waceys oo la hadlaayay VOA-da ayaa sheegay in qaar ka mid dadkii ku dhintay iyo kuwii ku dhaawacmay la helay magacyadooda.

Magacyada la helay waa illaa 16-qof oo isugu jira rag iyo dumar.

“Waxan heynaa illaa hadda 16-magac, qaar kood ma dhameestirna magacyadooda oo magaca koobaad oo kale ayaan heynaa waxa ka mid ah:-

1-Cali Cabdule Xirsi 2-Xasan Cusmaan Jeylaani 3-Maxamed Deeq Barqad Cali 4-Cabdi Raxiim 5-Askar 6-Muuse 7-Saciid 8-Axmed 9-Axmed Khadar 1o-Sugaal Intaas waa wiilasha.

Gabdhaha waxa ka mid ah 1-Sacdiyo Maxamuud Xasan 2-Saamiyo 3- Yaasmiin 4-Saamiyo kale. 5-Aasiya Cusmaan 6-Xaawo

Wuxuu kaloo sheegay in xaalada qaar badan oo ah dhallinyaradii dhaawaca uu soogaray ay heleen daweyn oo hadda xaaladooda ay soo hagaageyso, qaar koodna ay isbitaalka ka baxeen, marka laga reebo 10-wiil iyo hal gabar oo xaamilo ah iyadana.

Wiilasha qaar bowdada ay ka jabeen, laakin qaar badan waa ay caafimaad qabanaa ayuu yiri Cabdi Qani Xasan Waceys.

Dadka dhintay ayaa ku geeriyooday shil kaasoo ah markii ay ku dumtay shamiito ay saarnaayeen baabuur ay la socdeen oo ku soo jeeday Libya.

Ma ahan markii ugu horreysay ee tahriibayaal Soomaali ah ay ku dhintaan waddanka Libya, iyagoo raba in ay aadaan Yurub.

Caasimada Online

Xafiiska Wararka Tripoli