Manchester United oo 3-2 ku qaarajisay deriskooda Man City.

By Asad Cabdullahi Mataan

Manchester United ayaa ka talaabsatay kooxda ay deriska yihiin ee Manchester City kulankii loogu magaca daray Derbiga Gobolka Manchester. Waxayna dhabarka u saarisay guul darro 3-2 ah.

Weyne Rooneey ayaa ahaa geesiga qeybta hore ee ciyaarta markii uu laba gool United hugaanka ugu dhiibay daqiiqadihii 16 iyo 29 sidaas ayaana lagu kala nastay qeybta hore ee ciyaarta.

Markii la isku soo laabtay qeybtii labaad ayaa waxaa halkeedii kasii socday ciyaarta weerarka iyo weerar celiska ku dhisneyd.

Yaya Touré ayaana gool usoo celiyey Sky Blue inta uusan daqiiqadii 86aad u barbareyn Pablo Zabaleta, waxayna ciyaartu noqotay mid sawaxan badan wixii intaas ka dambeeyey.

Taageerayaasha City ayaana doonayey inay helaan goolka guusha, laakiin waxaa qalad meel u dhow diilinta ganaaxa ku galay Carlos Tevez, laad xor ah ayaana lagu abaal mariyey Red Devils, Robin van Persie ayaana gool u sarifay.

Waxaa Qoray: Ahmed Jaangoan

E-mail: jangoan@hotmail.com

Caasimada – Mogadishu.