DEG DEG: Dad lagu dilay Gaarisa

By Asad Cabdullahi Mataan

Gaarisa (Caasimada Online) Kooxo hubeysan ayaa goordhow waxay labo qof ku toogteen magaalada Gaarisa ee gobalka waqooyi bari dalka Kenya.

Sidoo kale qof kale ayaa ku dhaawacmay weerrarkaas oo ka dhacay goob dukaan ah oo ku taalla bartamaha magaalada Gaarisa.

Labada qof ee la toogtay ayaa la sheegay in uu ku jiro askari bilays, oo goobta joogay.

Kooxii dilka geestay ayaa durba ka baxsaday goobta, waxana isla markii soo gaaray meesha ciidamo bilays ah oo howlgalo ka sameeyay.

Xaalladda magaalada Gaarisa ayaa la soo sheegayaa in ay caawa kacsantahay, waxana dadka ay ku kala carareen guryahooda sida ay sheegayana dadka goobjoogayaasha ah.

Labo toddobaad ka hor ayaa magaalada Gaarisa ee gobalka waqooyi bari Kenya waxa dab la qabadsiiyay suuqa ugu weyn magaalada ee SUUQ MUGDI, oo hanti badan uu ku gubtay.

Wixii ku soo kordha kala soco Caasimada Online

Xafiiska Wararka Nairobi