Maxaa maanta la isla dhex marayaa suuqa kala iibsiga?

By Asad Cabdullahi Mataan

Suuqa iyo Xanta

Everton ayaa talaabo u qaaday inay raadsato goolhaye cusub ka dib markii uu tababare David Moyes daaha ka qaaday inuu tartan la rabo 33 jirka goolka u qabta Tim Howard (Daily Mail)

Liverpool iyo Stoke City ayaa janjalka isku heysta weeraryahanka kooxda Lazio Mauro Zarate, 25 jirkaan, reer Argentina sidoo kale waxaa xiiseynaya Malaga iyo Spartak Moscow (Metro)

Madaxweynaha kooxda AC Milan Silvio Berlusconi ayaa gaashaanka ku dhuftay wararka saxaafadu ay ku sheegayaan inay weeraryahankooda Alexandre Pato, oo 23 jir ah, ay ku doorsanayaan weeraryahanka 22 jirka ah, ee u ciyaara kooxda Man City Mario Balotelli (skysports.com)

Halyeeyga daafaca bidix uga ciyaara kooxda Reading Ian Harte, oo 35 jir ah, ayaa ku biiri kara kooxda horyaalka labaad ee Millwall marka uu suuqu dib u furmo (Daily Mirror)

Ciyaaryahanka garabka uga ciyaara kooxda Arsenal Andrey Arshavin, oo 31 jir ah, ayaa bisha Janaayo ku laaban kara kooxdiisii hore ee Zenit St Petersburg, waxayna ku rabtaa 3 milyan oo ginni (Metro)

                          Wararka Xanta ah ee ka baxsan suuqa.

Daafaca kooxda Stoke City Ryan Shawcross, oo 25 jir ah, ayaa kooxdiisu ka dalbneysaa qandaraas lix sano ah oo uu kula sii joogayo Potters, wuxuuna isbuucii kooxda ka qaadan doonaa 45 kun oo ginni. Hadii uu xidiga heerka caalami ee dalka England heshiiska saxiixo, waxay noqon doontaa qandaraaskii ugu qaalisanaa ee kooxda abid soo mara (Daily Mail)

Tababaraha kooxda Aston Villa Paul Lambert ayaa u sheegay 28 jirka, weerarka ka ciyaara Darren Bent inuu aqbalo in ciyaartoyda kooxda lagu soo daro, xidiga heerka caalami ee dalka England ayuuna sidoo kale u sheegay inuu xirfadiisa kusoo gunaanado Villa Park (Daily Mirror)

Waxaa Qoray: Ahmed Jaangoan

E-mail: jangoan@hotmail.com

Caasimada — Somalia.