Maxaa maanta la isla dhex marayaa suuqa kala iibsiga?

By Asad Cabdullahi Mataan

Suuqa kala iibsiga ciyaartoydu hada waa xiran yahay, balse ma dhamaadaan wararka xanta ahi, halkaan ka aqriso wararkii ugu dambeeyey ee xanta ahaa ee maanta la isla dhex maraayey.

Xanta tooska ah ee maanta la isla dhex maraayo:

Mustaqbalka Xabi Alonso ee Real Madrid ayaa shaki weyn ku jiraa, iyadoo lasoo jeedinaayo inuu kooxda ka tegi karo Janaayo, waxaa macquul ah inuu kusoo laabto kooxdiisii hore ee Liverpool (Daily Express)

Arsene Wenger ayaa diyaar u ah inuu kooxdiisa keeno Thierry Henry uuna dib ula mideeyo Gunners xilli amaah gaaban ah, laakiin hada wuxuu go’aansanayaa inuu isku dayo inuu ceshto ilaa dhamaadka xilli ciyaareedka (The Sun)

Manchester United ayaa diirada u saaran tahay daafaca qaranka Norway Vegard Forren ka hor bisha Janaayo inta uusan suuqu furmin (Daily Express)

Tababaraha kooxda Tottenham Andre Villas-Boas ayaa qarka u saaran inuu 24 milyan oo ginni ku dalbado 26-jirka qadka dhexe uga ciyaara FC Porto Joao Moutinho, ka dib markii uu daawaday kulankii ay talaadada la ciyaareen Paris St-Germain (Daily Mirror)

Arsenal ayaa la aaminsan yahay inay xiiseyneyso kabtanka kooxda Montpellier Mapou Yanga-Mbiwa, 23-jirkaan daafaca ka ciyaara aan la dhacsaneyn kooxda heysata Horyaalka Faransiiska (Metro)

Liverpool ayaa lala xiriirinayaa inay Janaayo 12 milyan oo ginni kusoo dhaqaajiso 26-jirka qadka dhexe uga ciyaara CSKA Moscow Keisuke Honda (Daily Star )

Kooxda Ruushka ka dhisan Zenit St Petersburg ayaa ka fikireysa inay la wareegto 25-jirka qadka dhexe uga ciyaara Everton Marouane Fellaini, marka uu Janaayo suuqu furmo (The Sun)

Chelsea ayey dheguhu u taagan yihiin ka dib markii 26-jirka weerarka uga ciyaara Zenit St Petersburg Hulk, uu daaaha ka qaaday inuusan kooxda Ruusha ku faraxsaneyn ka dib markii ay is maan dhaafeen tababare Luciano Spalletti (Metro)

Daafaca kooxda Arsenal Bacary Sagna, oo 29-jir ah ayaa qarka u saaran inuu noqdo ciyaaryahan kale oo magac leh oo ka taga Gunners, ka dib markii uu ka carooday dalab heshiis kordhin 12 bilood ah oo ay usoo bandhigtay kooxda Emirates (Daily Mail)

Tababaraha kooxda Sunderland  Martin O’Neill ayaa amaah ku doonaya 20-jirka weerarka uga ciyaara kooxda Manchester City John Guidetti (Daily Mirror)

Everton ayaa qarka u saaran inay deriskooda Liverpool kula dagaalanto saxiixa 19-jirka goolka qabta heerka caalami ee dalka England Jack Butland (Daily Star )

Aston Villa ayaa madaxa 28-jirka weerarka uga ciyaara Darren Bent dul dhigtay 18 milyan oo ginni, ka dib iyagoo doonaya inay kasoo kabsadaan lacagtii  Rikoorka aheyd oo ay ku soo iibsadeen 24 milyan oo ginni (Daily Mail)

Kubad sameeyaha kooxda Real Madrid Kaka, oo 30 jir ah, aya qirtay inay macquul tahay inuu Janaayo ka tago kooxdiisa ka dib markii uu kasoo dhex muuqan waayey Line-up-ka xoogan ee Jose Mourinho, LA Galaxy ayaa la fahamsan yahay inay xiiseyneyso (The Sun)

Aston Villa, Newcastle iyo Norwich ayaa isku heysta saxiixa 27-jirka garabka uga ciyaara Cluj Modou Sougou (TalkSPORT)

Xanta aan tooska aheyn ee maanta la isla dhex maraayo:

Arsenal ayaa dib ugu yeeri karta weeraryahanka Real Betis Joel Campbell kasoo amaah uga maqan, waxayna dooneysaa inay soo ceshato Jaanayo marka uu suuqu furmo (Daily Express)

Manchester City ayaa meesha ka saartay inay soo dhaqaajineyso tababaraha kooxda Real Madrid Jose Mourinho, xittaa hadii ay shaqada ka raacdeeyaan Roberto Mancini (Daily Mirror)

Ma jeceshahay inaad maalin walba la socoto wararka xanta ah ee suuqa la isla dhex maraayo naga soo booqo www.caasimada.net, Isha wararka sugan.

Waxaa Diyaariyey: Ahmed Jaangoan

E-mail: jangoan@hotmail.com

Caasimada – Mogadishu.