Maxay Jubbaland ka tiri Dilka Wasiir Siraaji ee ka dhacay afafka Villa Somalia

By Asad Cabdullahi Mataan

Kismaayo (Caasimada Online)-Maamulka Jubbaland ayaa ka hadlay dilka Wasiir Cabaas C/laahi Siraaji oo xalay ka dhacay afafka hore ee Xarunta Villa Somalia.

Madaxtooyada maamulka ayaa sheegtay in DFS ay ka doonayaan inay ka jawaab bixiso dilka Wasiirka ahna Xildhibaan laga soo doortay Kismaayo.

Madaxtooyada Jubbaland waxa ay dalbatay in Xukuumada Kheyre ay uga fadhiyaan in cida ka danbeysay falkaasi ay ku dhaqan galiso Cadaaladii ay sheegeysay.

Sidoo kale, qoraal kasoo baxay maamulka ayaa waxaa dhammaan Qaranka iyo Ummadda Soomaaliyeed loogu Tacsiyadeeyay geeridii naxdinta laheyd ee ku timid Cabaas C/laahi Siraaji.

Wasiirkii Howlaha Guud iyo Dib u Dhiska Soomaaliya, ahaana Xildhibaan ka tirsan Baarlamaanka Federaalka Cabaas C/laahi Siraaji ayaa laga soo doortay Degaanada Jubbaland.

Wararka cayaaraha kala soco WWW.GOOL.NET