Brussels (Caasimada Online)Midowga Yurub ayaa Talaadadii shaley ku dhawaaqay in ay kordhiyeen howlaha lagu tababaraayo ciidamada dowladda Soomaaliya.
Madaxa wakiilka sare ee Midowga Yurub u qaabilsan arrimaha dibedda iyo siyaasadda, Catherine Ashton ayaa sheegay in lagu kordhiyay muddo labo sano ah oo dheeraad ah.
Howgalkan ayaa lagu looga gun lee yahay siddii loo wadi lahaa xojinta ciidamada Soomaaliya kuwaasoo ugu dambeen lagu wareejin doono howsha ay hayaan ciidanka midowga Africa.
Sidoo kale midowga Yurub ayaa ka doodday isbadalka ku yimid Soomaaliya oo yeelatay dowlad rasmi ah oo loo dhan yahay.
Mrs. Ashton ayaa tiri : “Midowga Yurub gaar ahaan howgalka EUTM Somalia uu bixiyay kaamo muhiim ah oo la siiyay ciidamada Soomaaliya, kuwaasoo lagu tababaray dhulka si loo xoojiyo awooda ciidamada Soomaaliya .”
Inta badan howlaha lagu tababaraayo ciidamada Soomaaliya ayaa waxa lagu qabtaa deeganka Bihanga ee dalka Uganda maadama ammaanka Soomaaliya aan la isku haleen karin.
Brigadier General Gerald Aherne oo u dhashay dalka Ireland ayaa la wareegi doona hoggaanka taliyaha.
Howgalka ayaa waxa uu socon doonaa ilaa bisha March 31-keeda ee 2015, waxana lagu qiyaasayaa in lagu bixin doono lacag gaareysa illaa EUR 11.6 million.
howasha EUTM ee Soomaaliya, ayaa markii ugu horreysay waxa la billaabay bishii February 2010,waxana uu tababar siiyay ku dhawaad 3,000 oo ah ciidamo Soomaali ah.
Caasimada Online
Xafiiska Wararka Nairobi
