Garoowe (Caasimada Online) Magaalada Garoowe waxaa maanta oo Sabtid ah kulan ku yeeshay 10 ka mid ah musharixiinta u taagan xilka madaxweynaha Puntland oo lagu wado in ay dhacdo 8-da bisha dambe ee January 2014-ka.
Xubnaha musharixiinta ee kulmay ayaa ugu horreyn soo dhaweeyay go’aankii Faroole uu ku oggolaaday in uu la kulmo musharixiinta ay isku hayaan doorashada soo socota.
Waxaa kaloo xubnaha ay ku baaqeen in la joojiyo shaqada ay hayaan guddiga xallinta khilaafaadka oo dhawaan uu ku dhawaaqay madaxweyne Faroole, waxaana ay ku taliyeen in la sameeyo salaadiin ama cuqaal loo noqdo marka arrin la isku qabsado oo iyaga laga dhigto meesha marjica.
Haddaba nuqun ka mid ah war-saxaafadeed ay soo saareen shirkooda kaddib xubnahan oo la soo gaarsiiyay Xafiiska Caasimada Online ee Garoowe ayaa sidan u qornaa:
Caasimada Online
Xafiiska Wararka Garoowe