Nairobi (Caasimadda Online) – Saraakiil Katirsan Ururka ONLF ayaa gaaray magaalada Nairobi ee caasimadda dalka Kenya halkaas oo uu ka furmay wadahadal u dhaxeeya madaxda Ururka iyo dowladda Itoobiya.
Shirka Nairobi ka furmay waxaa dhanka Itoobiya u metelaya Cabdi Ileey oo ah guddoomiyaha gobolka Somaligalbeed iyo Jeneraal Gabre oo kamid ah saraakiisha Itoobiya ee qaabilsan gumeysiga Soomaaliya.
Ilo wareedyo ayaa sheegaya in ujeedka shirka laga leeyahay uu yahay sidii loosoo gaba gabeyn lahaa dagaalka u dhaxeeya Jabhadda ONLF iyo dowladda Itoobiya arrinkaas oo ah isku day kale oo ladoonayo in xabashida loogu xalaaleeyo heysashada dhulka Soomaaligalbeed oo gumeysi kujira wax kabadan 100 sanadood.
Siyaasiga Faarax Macalin Dawaare oo horay usoo noqday guddoomiye ku xigeenka Baarlamaanka Kenya ayaa sheegay in ONLF ay ka tanaasushay wixii ay boqol sano u dagaallameysay isagoo dhaleeceeyay waxa Nairobi ka socda.
“ONLF shaqo fiican bay soo qabteen laakin hadda waa ka hoostay oo waa lagu dan gaari,hadda oo ay itoobiya sii burburayso oo ah waqtigii ay cadkooda goosan lahaayeen waaye waqtiga ay isdhiibayaan” ayu yiri Faarax Macalin.
.Faarax Macalin ayaa sheegay in heshiisay Itoobiya ka raadineyso ONLF xilligan uu yahay mid ay ku dooneyso inay dan gaara ku gaarto si culeyska uga heysta qowmiyadaha kale ay ugu jeesato, wuxuuna ka digay inuu mari doono halkii ay mareen heshiisyadii hore.
halkaan hoose ka daawo
Caasimada Online
Xafiiska Muqdisho
Caasimada@live.com
