Natiijooyinkii kulamadii caawa ee Uefa Champions League.

By Asad Cabdullahi Mataan

Uefa Champions League – Group A:

Paris Saint Germain ayaa huganka ciyaarta qabatay ka dib markii uu kooxda Portugal gool ka dhaliyey Thiago Silva daqiiqadii 30aad, Jackson Martinez ayeese sedax daqiiqo ka dib u barbareeyey iyadoo uu weeraryahanka xulka Colombia sii wato la yaabka uu ka dhigayo Horyaalka Yurub, sidaas ayaana lagu kala nastay.

Kooxda Faransiiska ah ayaa waxaa hugaanka ciyaarata u dhiibay Ezequiel Lavezzi, daqiiqadii 61aad. Kooxda ka dhisa Caasimada Faransiiska ayaa sidaasi ugu soo baxday kaalinta koowaad ee Group A. iyadoo leh 15 dhibcood waxaana ku xiga Porto oo leh 13 dhibcood.

Uefa Champions League – Group B:

Montpellier iyo Schalke 04 ayaa qeybtii hore barbaro goolal la’aan ah isku mari waayey walool ay labada koox iska qasaariyeen fursado dahabi ah.

Benedikt Höwedes ayaa hugaanka u dhiibay Schalke laakiin waxaa kooxda Faransiiska u barbareeyey Emmanuel Herrera,

Olympiakos ayaa waxaa gool uga naxsatay Arsenal, iyadoo uu daqiiqadii 38aad u dhaliyey Tomas Rosicky oo dhowaan dhaawac kasoo laabtay. Sidaas ayaana lagu kala shah dioontay.

Ioannis Maniatis ayaa hugaankii Gunners carro ku shubay daqiiqadii 64aad, kooxdaGreeceka dhisan ayaana hugaanka ciyaarta qabatay ka dib markii uu gool loo riyaaqo u dhaliyey Konstantinos Mitroglou daqiiqadii 73aad. Schalke ayaa kusoo baxday kaalinta koowaad ee Group-kan iyadoo leh 12 dhibcood halka Arsenal oo caawa la tumay ay kusoo baxday kaalinta labaad. Iyadoo leh 10 dhibcood.

Uefa Champions League – Group C:

AC Milan ayaa waxaa gool uga hormaray kooxda Zenit Petersburg oo marti ugu aheyd San Siro, waxaana goolka kooxda Ruushka u dhaliyey Danny. Sidaas ayaana lagu kala nastay.

Qeybtii labaad waxba isma bedelin oo sidaas ayey ciyaartu kusoo dhamaatay.

Malaga ayaa hugaanka ciyaarta kala wareegtay kooxdaBelgiumka dhisan ee Anderlechtoo marti u aheyd. Ciyaarta oo sii idlaaneysa ayaa waxaa goolka u dhaliyey Duda.

Kooxda Marti ah ayaa qeybtii labaad goolka iska soo guday markii uu magaciisa ku qoray Milan Jovanovic ciyaarta oo socota 50 daqiiqo.

Duda ayaa mar kale kooxda Spain hugaanka u dhiibay daqiiqadii 61aad, Dieumerci Mbokani ayaana u barbareeyey Anderlecht daqiiqadii sagaashanaad.Malagaayaa kusoo baxday kaalinta koowaad ee Group-kan iyadoo leh 12 dhibcood halka Milan oo kusoo xigta ay leedahay 8 dhicood.

Uefa Champions League – Group D:

Borussia Dortmund iyo Manchester Cityayaa barbaro goolal la’aan ah ku kala tegay qeytii hore  ee ciyaarta.

Dortmundayaase hugaanka qabatay daqiiqadii 57aad markii uu gool u dhaliye Julian Schieber, oo kubad baas ah ka helay Jakub Blaszczykowski. sidaas ayaana ciyaartu kusoo idlaatay.

Real Madrid ayaa hugaanka ciyaarta ka qabsatay Ajax oo marti u aheyd waxaana goolka hore daqiiqadii 13aad ku bilaabay Cristiano Ronaldo oo kubad baas ah ka helay  Karim Benzema, halka uu goolka labaad ka dhaliyey Jose Maria Callejon, oo isna kubad baas ah ka helay Modric, sidaa ayaana lagu kala nastay.

Qeybtii labaad markii la isku soo laabtay daqiiqadii 49aad waxaa goolka sedaxaad ka dhaliyey kooxda Holland Ricky Kaka oo baas ka helay Cristiano Ronaldo.

Derk Boerrigter ayaana gool usoo celiyey kooxda martida aheyd, Callejón ayaa goolka afaraad u dhaliyey kooxda ka dhisan CaasimadaMadriddaqiiqadii 88aad. Kooxda Jarmalka Borussia Dortmund ayaa kusoo baxday Kaalinta koowaad ee Grou-kan halka iyadoo leh 14 dhibcood Real ay kusoo baxday Labaad iyadoo leh 11 dhibcood,  Ajax oo shaqeysatay afar dhibcood ayaana aadi doonta Europe League.