Posts | Caasimada Online | Isha Wararka Sugan

Warbixin: Qarax ka dhacay Muqdisho oo uu ku dhintay Xildhibaan BF ah

Wararka

-

December 6, 2013

Muqdisho (Caasimada Online) Waxaa faah-faahin laga helayaa qarax maanta duhurkii ka dhacay xarunta madaxtooyada ee Villa Somalua.

Qaraxa oo uu ku geeriyooda allaha ha u naxariisto xildhibaan ka tirsan baarlamaanka, ayaa waxaa loo galiyay baabuur uu watay,kaasoo yaalaya meeli ku dhow gurigga rasyal wasaaraha oo ku yaalla Villa Somalia.

Sarkaal sarre oo ka tirsan dowladda ayaa u xaqiijiyay Shabakadda Caasimada Online, in xildhibaanka ku dhintay qaraxa lagu magacaabi jiray Feysal Maxamed Warsame.

Marxuumka ayaa ahaa guddoomiyaha guddiga arrimaha bulshadda ee baarlamaanka, waxaana uu ka mid ahaa xildhibaannada cusub.

Qaraxa kaddib waxaa goobta isku gadaamay ciidamada qaaska ah ee madaxweynaha, waxaana la qabqatay askar iyo dad goobta ka agdhawaa.

Waxaa kaloo jirra warar sheegaya in qaraxa ay ku dhaawacantaya haweeney horrey u ahaan jirtay xildhibaannad oo lagu magacaabo Amiino,.

Dhaawaca xildhibaan Feysal ayaa loo qaaday Isbitaalka Madiino halkaasoo uu ku dhintay dhowr daqiiqo ka hor.

Ma ahan xildhibaankii ugu horeeyay ee Muqdisho lagu dilo, bishii September ee sanadkan ayaa magaalada degmada Wadajir waxaa lagu dilay xildhibaan Xuseen Cabdisalaam oo xubin ka ahaa baarlamaanka Soomaaliya.

Dhinaca kale, madaxweynaha Soomaaliya ayaa uga tacsiyeeyay guddoomiyaha baarlamaanka iyo xildhibaannada geerida xildhibaan Feysal.

Caasimada Online

Xafiiska Wararka Muqdisho

Wakiilka Xisbiga PDP ee Qarada Yurub oo cambaareeyay qaraxii Maanta

Wararka

-

December 6, 2013

Wakiilka Xisbiga Nabadda iyo Horumarka PDP ee qaarada Yurub Mr Hassan Abdulkadir Mudeey oo howlo shaqo u joogo magaalada Muqdisho ayaa cambaareeyay weeraarkii lagu dilay Xildhibaan Maxamed Warsame Feysal oo ka tirsan Baarlamaanka xili uu ka degayay gaarigiisa oo lagu soo rakibay walxaha qaraxa.

Mr. Hassan Abdulkadir Mudeey oo ku hadlayay magaca xisbiga PDP ayaa geerida xildhibaanka ku tilmaamay mid laga naxo, wuxuuna ugu tacsiyadeeyay ehelada xildhibaanka iyo shacabka Soomaaliyeed geeridaasi ku timid marxuumka.

Mas’uulkan ayaa sheegay in weerarka lagu dilay xildhibaan Maxamed Warsame ay ka dambeeyeen wax uu ku sheegay kooxaha nabadda iyo dowladnimada diidan, isagoo ugu baaqashay shacabka Soomaaliyeed iney meel ugu soo wada jeestaan kuwa diidan nidaamka dowladnimada.

Faroole oo sheegay halka uu ka yimid qofkii isku qarxiyay Boosaaso

Wararka

-

December 6, 2013

Garoowe (Caasimada Online) Madaxweynaha Maamulka Puntland Cabdiraxmaan Maxamed Faroole oo maanta saxaafadda kula hadlayaya Garoowe ayaa sheegay in ruuxii fuliyay qaraxii ka dhacay shaley magaalada Boosaaso uu ka yimid gobalka Shabeellaha Dhexe.

Faroole ayaa caddeeyay baaritaan la sameeyay lagu ogaaday ninkii fuliyay qaraxa in uu ka yimid Shabeelaha Dhexe isla markaana lagu magacaabi jiray iyo Axmed Ibraahim Axmed Adam.

Faroole ayaa sheegay in la qabtay dad lagu tuhmaayo in ay wax ka abaabuleen qaraxa sida uu hadalka u dhigay.

Madaxweyne Faroole ayaa hadalkan ka sheegay mar uu maanta isaga iyo wafdi uu hoggaaminaayo ay ku sii jeedeen magaalada Jigjiga ee xarunta dowlad deeganka Soomaalida Ethiopia.

Faroole ayaa sheegay in isaga iyo wafdiga la socda ay ka qaybgali doonaan xuska qoomiyadaha kala gaddisan ee ku nool dalka Ethiopia oo sannad kasta lagu qabto magaalooyin ku yaalla dalka Ethiopia.

Magaalada Boosaaso ayaa shaley waxaa ka dhacay qarax loo adeegsaday baabuur laga soo buuxiyay waxyaabaha, waxaana lagu weerarray ciidamo ku sugnaa bartamaha magaalada .

Caasimada Online

Xafiiska Wararka Boosaaso

DEG DEG AH: Macalimad ajnebi ah oo Muqdisho lagu toogtay (Faah-faahin)

Wararka

-

December 6, 2013

Muqdisho (Caasimada Online) War hadda na soo gaaray ayaa sheegaya in kooxo hubeysan ay toogteen gabar macalimad ka ah Jaamacadda Somalia ee magaalada Muqdisho.

Arday ka mid ah, ardayda wax ka barta Jaamacadda Somalia, goobjoogna u ahaa dhacdada oo la hadlay Caasimada Online ayaa sheegay in gabadha macalimada lagu toogtay iyadoo la socotay baabuur Mini Bus oo Jaamacadda ay lahayd kaasoo ka soo baxay gudaha Jaamacadda.

“Gabar maclimad ka ahayd Jamcada Somalia ayaa isla daqiqadan lagu dilay Jamacada iridkeeda qaybta warshadaha gob jog ayan ahay hada, waxay ahayd economic teacher” ayuu yiri ardaygan noo warrmay oo didday magaciisa in aan soo xiganno.

Gabdhan la toogtay ayaa lagu magacaabi jiray Leylo waxaana ay u dhalatay dalka Uganda, iyadoo ka mid ahayd macalimiinta ajaaniibta ee wax ka dhigga Jaamacadda Somalia laanta Baar Ubax degmada Wardhiigleey

Kooxda dilka geestay ayaa goobta durba ka baxsaday, waxaana aan la ogeyn sababta ay u dileen macalimadan ajnebiga ah oo labadii sanno ee la soo dhaafay wax ka dhigeysay Jaamacadda Somalia.

Bishii August ee sannadkan ayaa xilli duhur waxaa degmada Hodan lagu toogtay haweeney u dhalatay dalka Sweden taasoo ka soo baxday Jaamacadda Somalia laanta KM4, waxaa lala dilay turjumaankeeda iyo qof ilaalo u ahaa.

Lama oga sababta iyo cidda ka dambeysa dilka macalimadan u dhalatay dalka Uganda.

Caasimada Online

Xafiiska Wararka Muqdisho

Sawirro: Prof. Gaas: Waxaan Puntland geynayaa meesha ay istaahisho

Wararka

-

December 6, 2013

” Waxaan Puntland ka Dhaqajinaynaa Meesha ay tagantahay Waxaana geynaya Mesha ay Istaahisho” Musharax Cabdiweli Gaas oo Maanta Qardho si Diiran loogu soo dhoweyey.

Musharax Cabdiweli Maxamed Cali Gaas oo ku guda jira Socdaalkiisi Musharaxnimo ee Isbedel Doonka iyo Booqashooyinkiisi Deeganada Puntland ayaa Dadweyne Fara badan oo Farxad ay ka muuqato ku soo dhoweyeen Magaalada Qardho iyo Deegano badan oo uu Saakay Socdaal ku marayay.

Dadweynaha ayaa Safnaa Gudaha Magaalada ilaa iyo Duleedka Konfureed oo ay Musharaxa iyo Wafdigiisa uga Hortageen.

” Cabdiweli Waa Ninkii Dalka Ka saaray Nidaamkii KMG Ninkii Hirgeliyay Dowlad Rasmi ah Maantana wuu awooda In Isbedelka uu ka dhabeeyo, Dalkana uu u sameeyo Nidaam Dowladnimo oo dhab ah Waxan kugu soo dhoweynayna Qalbi Furan ku soo dhawoow Shacabkagi Dadkaagi iyo Magaladadi” Sidaas waxaa Yiri Qaar kamid ah Waxgaradkii ku soo dhoweyey Magaaalada Qardho.

“Puntland inaan ka qadno Meesha ay tagantahay aana geyno Mesha ay Istaahisho ayaan ku taamaynaa Puntland waa Shacabka ugu wanaagsan Ugu Dimuqradiyadda Jecel ugu Nabadda Jecel” ayuu yiri Gaas oo la hadlay dadweyne Fara badan oo isugu soo Uruuray Bartamaha Magaalada.

Cabdiweli Gaas oo la hadlay Dadki isu soo baxay ayaa uga mahadceliyay Reer Qardho sida Diiran ee ay u soo dhoweyeen Waxaana uu ka Tacsiyeeye Dadkii ku geeriyooday Maalintii ay fashilantay Nidaamkii Dimuqradiyadda loogu yeeray ee Gacan ku rimiska, waxaa kaloo uu ka Tacsiyeyey Dadki ku geeriyooday Dhacdadii taleex Dabayaqadii Bishii hore oo uu ku tilmaamay mid laga argagaxo, Isagoo sidoo kalana Dareen Murugo la wadagay dadkii Shalay ku geeriyooday Qaraxiii ay Ku geeriyoodeen Shacab iyo Ciidan Magaalada Boosaso isla markana si adag u Cambareeyey.

sida ka Muuqatay Wejiyada iyo Erayada ka soo Burqanayay Dadweynahii Reer Qardho ee isu Xilqaamay Soo dhoweynta Musharaxa ayaa laga Dareemayay in Bulshada Reer Puntland ay Bisladeen una Baahanyihiin Isbedel dhab ah.

Musharax Cabdiweli Gaas ayaa Gacan qaadayay Waxgaradkii iyo Dhamaan Shacabkii Deeganadii uu Maray Maanta Halkaaso dadweynaha ay Wadada u soo baxayeen si ay u Gacan qaadan Musharaxa waxaa Deeganadaas kamid ahaa Magaalada Sinujiif, Degmada Dangorayo, Tuulooyinka Shire iyo Yako, waxaana Musharax Gaas uu ka waraysanayay Xaaladaha dhabta ah ee ay ku Noolyihiin Shacabka reer Puntland ee Deeganadaas ku dhaqan.

Musharax Cabdiweli ayaa Socod ku dhexmaray Gudaha Magaalada Qardho taaso muujisay sida Reer Qardho ay u doonayan in Cabdi-weli ku Guulaysto Madaxtinimada Puntland.

Waxgaradkii Goobta ka hadlay ayaa sheegay in ay Rumaysanyihiin in Cabdiweli Gaas uu wax badan ka bedei karo Siyaasadda, Dhaqaalaha iyo Guud ahaan Nabadgelyada Puntland.

” Dadkan waxay u Baahanyihiin Isbedel Gaasow na daadihi” ayaa qaab Suganeed ay ku soo Bandhigeen Haweenka Degmada Qardho oo iyagoo isa soo xilqamay soo Istaagay Goobtii uu dadweynaha reer Qardho uu kala hadlayay Cabdiweli Gaas.

Fardaha iyo Ciyaaraha Dhaqanka ayaa Ka dhex muuqday Soo dhoweyntii Maanta Musharax Cabdiweli Gaas uu kala kulmay Magaalada Qardho ee Gobalka Karkaar.

Socdaaalka uu Maanta Qardho ku Yimid Musharax Cabdiweli Gaas wuxuu Qayb ka yahay Socdaaladisi uu ku marayay Guud ahaan Deeganada Puntland.

Video: Shacabka Muqdisho oo ka hadlay horumarka ka socda magaalada

Xulka

-

December 6, 2013

Caasimada Online: Shacabka Magaalada Muqdisho oo ka hadlay muuqaalka guud ee Muqdishi iyo Bilic ahaan waxaa iska badalay qaabkii ay aheyd Sanadkii la soo dhaafay marka loo fiiriyo Horumarka ay Sanadkaan Sameeysay Magaalo madaxda dalkeena ee Muqdisho.

Dhinac waa horumar ku cusub magaalada dhinac waa is badal dhinaca Bilicda Magaalada dhinacna waa dib u dhis xoogan oo ka socda Magaalada Muqdisho ee nala daawo Video-gaan aan isku keenay waxii cusub ee ugu dambeeyay ee Magaalada.

HALKAAN KA DAAWO:

Yuusuf Garaad oo talooyin muhiim ah u soo jeediyay Madaxweyne Xasan

Wararka

-

December 6, 2013

Nairobi (Caasimada Online) Yuusuf Garaad Cumar Axmed oo isku soo taagay xilka madaxweynaha Soomaaliya sannadkii horre, isla markaana ka xilal kalal duwan ka soo qabtay kana soo shaqeeyay BBC-da ayaa maanta oo Jimco ah soo diray talooyin muhiim ah oo ku socda madaxweynaha Soomaaliya.

Yuusuf Garaad ayaa madaxweynaha ugu baaqay in uu soo magacaabo raysal wasaare daacad ah isla markaana uu ku soo xulo si daacad nimo ay ku jirto.

Warkan kooban ayuu goordhow ku soo qoray boggiisa Facebook ” Waa talo kooban oo u socota dadka Madaxweynaha la shaqeeya iyo kuwa ku sii qulqulaya gurigiisa iyo xafiiskiisa. Marka hore waa wax wanaagsan in Madaxweynaha lagala taliyo qofka kugula habboon in uu dalka dan u yahay – sida Ilaaheey kugu og yahay. Waxaase habboon in laga dhowrsado in lagula taliyo qof aad is leedahay adiga ayay kuugu badineysaa. Tan kalena waxaa habboon in Allah laga baqo oo aan Magaca laga dilin dadka kale ee iyaguna jagadaas doonaya. Ugu dambeyntiina Madaxweynuhu waa shakhsi – ma ahan in la wareeriyo wakhtigana looga dhammeeyo ka dhaadhicinta magacyo aan caalamkaan horumar ka gaarin amaba aan xataa hore u soo qaban shaqo macna leh.”

Si kastaba, marka laga soo tago hadalka Yuusuf Garaad, waxaa magaalada Muqdisho ka socda kulamo looga hadlaayo loolanka loogu jirro xilka raysal wasaaraha Soomaaliya.

Caasimada Online

Xafiiskla Wararka Nairobi

Warbixin: Maamulka Axmed Madoobe oo $100,000 ugu deeqay PUNTLAND

Wararka

-

December 6, 2013

Kismaayo (Caasimada Online) Maamulka kumeel gaarka ee Jubba ayaa maanta oo Jimco ah ku dhawaaqay in deeq lacageed oo gaareysa 100 kun oo dollarka Maraykanka ay ugu deeqeen dadkii ku wax yeeloobay duufaantii ku dhufatay deegannada Puntland bishii la soo dhaafay.

Kulan maanta ka dhacay madaxtooyada Kismaayo oo ay ka qaybgaleen ganacsato iyo maamulka Axmed Madoobe ayaa looga dhawaaqay lacagtan, waxaana la sheegay in ay tahay wajigii koobaad.

Maamulka Jubba ayaa u mahadceliyay ganacsatada iyo dadka reer Kismaayo kuwaasoo ay sheegeen in ay muujiyeen sida ay ula qaybsanayaan walalahood reer Puntland ee ku wax yeeloobay dabeylaha iyo roobabka ka da’ay gobalada Bari iyo Nugaal.

Sarkaal u hadlay maamulka Axmed Madoobe ayaa sheegay in lacagtan sida ugu dhaqsiyaha badan loogu wareejin doono maamulka Puntland.

Waa markii ugu horreysay oo maamul ka dhisan dalka uu lacag ugu deeqo dadkii ku wax yeeloobay duufantii ku dhufatay Puntland.

Maamulada Puntland iyo Jubba ayaa xiriir wanaagsan uu ka dhexeeya, waxaana Axmed Madoobe markii la doortay uu booqday magaalooyin ku yaalla Puntland.

Caasimada Online

Xafiiska Wararka Kismaayo

Dhageyso: R/W Saacid oo hadal cusub oo cajiib ah jeediyey (Muxuu yiri?)

Wararka

-

December 6, 2013

Muqdisho (Caasimada Online) – Sii hayaha Xilka Ra’isal wasaarnimo ee Soomaaliya Cabdi Faarax Shirdoon “Saacid”, ayaa waxa uu ka dalbaday shacabka Soomaaliyeed iney la shaqeeyaan Xukuumada Cusub ee dhowaan lasoo dhisi doono.

Saacid ayaa shacabka soomaaliyeed ka codsaday in sidii ay xukuumadiisa u garab taagnaayeen shacabka si la mid ah ay ula shaqeeyaan Ra’isal wasaaraha cusub ee uu madaxweyne XasanSheekh Maxamuud dhowaan Laga filaayo inuu soo magacaabo.

Cabdi Faarax Shirdoon “Saacid” aya waxa uu sheegay in uu u rajeynaayo Xukuumada Cusub ee dhawaan la soo dhisaayo in ALLE u fududeeyo howlaha adage e horyaalla iyo doorka siyaasadeed ee wadanka u yaalla sanadka 2016 ee uu sheegay Mudane Saacid in lagu gabagaben doono hab Dastuuri ah oo qof walibo xur u yahay inuu u codeeyo shaqsigii uu doono.

2 dii Bishan December ayay Mudanayaasha Baarlamaanka Soomaaliya waxay kalsoonida kala noqdeen Xukuumada ra’isul wasaare Saacid kadib mudo seddex maalin ah oo ay Mudanayaasha Baarlamaanka ka doodayeen arintiisa.

Halkan ka dhageyso Saacid

011206_001

Caasimada Online

Xafiiska Muqdisho

Farmaajo oo soo diray fariin muhiim ah

Wararka

-

December 6, 2013

Bufalo (Caasimada Online) Raysal Wasaarihii horre ee Soomaaliya, Maxamed Cabdulaahi Farmaajo ayaa soo diray fariin uu uga hadlaayo warar maalmahan la isla dhexmarayay gudaha dalka Soomaaliya iyo caalamka.

Wuxuu beeniyay warar ay qoreen warbaahinta Soomaalida gaar ahaan bogga Online, kuwaasoo sheegay in uu didday codsi uga yimid madaxweynaha Soomaaliya oo ah in loo magacaabo raysal wasaaraha cusub.

Farmaajo ayaa ku qoray bartiisa Facebook qoraalkan gaaban “Waxan ka codsanaya warbahinta wax lagu qoro in ay joojiyan wararka ben aburka ah ee igu sabsan oo aysan jirin meel ay kasoo xigteeeen anigana kama hadal arrimaha hada wadanka ka jira,Mahadsanidin.”

Hadalka Farmaajo ayaa jawaab u ah warar been abuur ah oo ay qoreen bogogga Online, kuwaasoo leh waxaa loo magacaabi doonaa raysal wasaare iyo wuu didday.

Farmaajo ayaa ahaa raysal wasaarihii ugu taageeraha badnaa xilligii kumeel gaarka, waxa ay is qabteen guddoomiyihii horre Shariif Aadan Sheekh Aadan iyo Beesha caalamka.

Caasimada Online

Xafiiska Wararka Washington DC.

XOG CUSUB: Xaguu marayaa loolanka loogu jiro jagada ra’iisul wasaaraha?

Wararka

-

December 6, 2013

Muqdisho (Caasimada Online) Ilo xog ogaal ah oo la hadlay Shabakadda Caasimada Online ayaa sheegay in qaar ka mid ragga isku soo tagay xulka raysal wasaaraha Soomaaliya ay soo gaareen magaalada Muqdisho ee caasimada Soomaaliya.

Raggan ayaa mid kasta wuxuu billaabay kulamo iyo olole uu ku doonayo xilka raysal wasaaraha, waxaana caawa meelo kala duwan ay ku qabteen casho sharraf ay u sameeyeen xildhibaanno, siyaasiyiin iyo saraakiil ciidan.

Ragga Muqdisho soo gaaray ee doonaya xilka raysal wasaaraha waxaa ka mid ah, Maxamed Sheekh Cali “Doodisho” ,Maxamuud Xaaji Xasan, Abwaanka kooxda qeylo dhaan Cabdi Shire Ciyaar Jecel iyo Maxamed Cabdi.

Doodi disho waa aqoon yahan la soo shaqeeyay QM sidoo kale waxa ay xiriir dhow lee yihiin madaxweyne Xasan Sheekh iyo wasiiru dowlaha madaxtooyda Faarax Cabduqaadir.

Raggan ayaa la sheegay in uu ugu cad cad yahay Maxamuud Xaaji Xasan oo muddo 25-sanno ku noolaa dalka Maraykanka waa gaancsade isla markaana siyaasi ah.

Wuxuu caawa casho sharraf uu ugu sameeyay meel ku dhow Villa Somalia, xildhibaanno, saraakiil ciidan iyo siyaasiyiin kuwaasoo uu ka codsaday in ay ku taageeraan siddii madaxweynaha uu ugu magacaabi lagaa xilka raysal wasaaraha.

Siyaasigan ayaa ka soo jeeda deegannada Puntland, wuxuuna sheegay haddii uu ku guuleesto in uu isku soo dhaweyn doono madaxda dowladda dhexe iyo maamulka Puntland.

Madaxweynaha Soomaaliya, Xasan Sheekh Maxamuud oo xaley ka hadlayay xaflad lagu soo dhaweynayay xildhibaannada kalsoonida kala laabtay raysal wasaare Saacid iyo golaha wasiiradiisa ayuu sheegay in sida ugu dhaqsiyaha badan uu u soo magacaabi doono raysal wasaaraha cusub.

Caasimada Online

Xafiiska Wararka Muqdisho

Shariif Xasan oo qorshe uu damacsan yahay ka dhameystay Xasan Sheekh

Wararka

-

December 6, 2013

Muqdisho (Caasimada Online) – Guddoomiyihii hore ee baarlamanka Somalia Shariif Xasan Sheekh Aadan, ayaa maalmihii dhowaa is-baheysi cusub la sameysanayey madaxweynaha Somalia Xasan Sheikh Maxamuud, Caasimada Online ayaa sidaas ogaatay.

Sida ay ilo xog ogaal ah u xaqiijiyeen Caasimada Online, isu soo dhowaanshaha labada dhinaca ayaa billaabmay, markii madaxweynaha uu g’aan ku gaaray inuu xilka ka dego ra’iisul wasaare Saacid, markaasi oo Shariif Xasan uu taageero arrintaas ku aadan u yaboohay.

Shariif Xasan, ayaa lagu soo warramayaa inuu kaalin weyn ku lug lahaa ololihii lagu shukaamiyey xildhibaano badan, oo ka mid ahaa kuwii mooshinka ka keenay Ra’iisul wasaare Saacid, isaga oo gacan siinaya madaxweynaha.

Sida warku lee yahay Shariif Xasan ayaa taageeradan u yaboohay madaxweynaha isaga oo qorshe siyasaadadeed kaea damacsan, kaasi oo ah maamulka koonfur galbeed ee Somalia.

Guddoomiyihii hore ee baarlamanka, ayaa doonaya inuu noqday madaxweynaha maamulka koonfur galbeed ee Somalia, waxaana hadda lagu warramay in madaxweyne Xasa Sheekh uu ballanqaaday inuu ku taageri doono qorshahan cusub, iyo inuu aqoonsado maamulka koonfur galbeed.

Magaalada Baydhaba, ayaa waxaa maalmihii dhowaa ku qul qulayay siyaasiyiin kasoo jeeda deegaanadaas, xilli dhismaha mamulkaasi uu gebo gebo ku dhow yahay, waxaana lagu wadaa inuu Shariif Xasan ku biiro ergooyinka halkaasi tagaya dhowaan.

Caasimada Online
Xafiiska Muqdisho
[email protected]

Xog: Maamulka dekedda Kismaayo oo lagu wareejinayo shirkado shisheeye (DFS maxay ka og tahay qorshahan?)

Wararka

-

December 6, 2013

Kismaayo (Caasimada Online) – Wararka ka imaanaya magaalada Kismaayo ee xarunta gobolka Jubbada Hoose, ayaa sheegaya in maamulka KMG ah ee Jubba iyo dowladda Federaalka ay ka wada hadlayaan sidii dib u dhis loogu samayn lahaa dekada Kismaayo, iyada oo shirkado shisheeye oo wadamo kala duwan ah ay muujiyeen in ay danaynayaan la wareegista maamulka dekada, dib u dhiskeeda iyo dayactirkeeda.

Sida ay werisay idaacadda Dalsan ee Muqdish, oo soo xiganeysa sarkaal lagu magacaabo Cabdiqani Jaamac oo la taliye u ah Axmed Maxamed Islaam Axmed Madoobe, waxaa jira shirkado ay ka mid tahay shirkadda DP World oo fadhigeedu yahay magaalada Dubai, shirkado ka jira dalka Shiinaha iyo waliba dalka Turkiga oo oo mid waliba ay doonayso in gasho heshiis ku saabsan dib u dhiska iyo maamulidda dekedda Kismaayo ee xarunta gobolka Jubbada Hoose.

Dhanka kale Afayeenka madaxweynaha Soomaaliya Injineer Yariisoow oo arrinkani ka hadlay ayaa sheegey in ay aad muhiim u tahay in shirkad shisheeye oo wax ka soo saareysa dekadda lagu wareejiyo, balse taasi horteeda lagu heshiiyo kala qeybsiga dakhliga kasoo xaroonaya dekada, si buu yiri dadka goboladda Jubbooyinka aysan u dareemin in Xamar ay qaadanayso kheeyraadkooda.

C/laahi Xadhuun oo ah Maareyaha dekadda magaalada Kismaayo, ayaa sheegay in dekadda muddo 50-sano ah aanan wax dayactir ah lagu sameynin, isla markaana ay u baahan tahay wax ka badalis badan, waxyaabaha caqabadaha ah ee ka jirana waxaa ka mid ah labbo markab oo ku degay dekadda, kuwaasi oo ay tahay in meesha laga qaado, waxaa kale oo dayactir u baahan bakhaarada waa weyn ee badeecooyinka lagu keydiyo.

Dowladda Soomaaliya oo dekadda Xamar ku wareejisay shirkad laga leeyahay dalka Turkiga, taasi oo maamuleysa muddo 20 sanno ah, ayaa dooneysa in dekada Kismaayo ay iyaduna noqoto u dub dhexaadka dhaqaalaha dalka, si dowladda uga maaranto ku tiirsanaanta deeqaha dibada ee shuruudaha ku xiran yihiin.

Dowladdu, waxa ay qabtaa in dhaqaalahaasi si wanaagsan loo maamulo, islamarkaasina dadka si siman oo xaq ah dakhligaasi u qeybsadaan.

Sida ku xusneyd heshiiskii Addis Ababa, maamulka dekada Kismaayo waxaa lagu wareejinayaa dowladda dhexe, balse arrintaasi dib ayaa loo dhigey inta looga heshiinayo kala qeybsiga dakhliga kasoo xaroonaya dekada, taasi oo wada hadalladooda ay socdaan.

Caasimada Online
Xafiiska Muqdisho
[email protected]

Amiin oo sawir cajiib & qosol badan ku cabiray yaabkii kasoo yeeray Xamar

Wararka

-

December 6, 2013

Siyaasiga Sakariye Xaaji Maxamuud oo ka deyriyey dhaqanka madaxda DF

Wararka

-

December 6, 2013

Muqdisho (Caasimada Online) Saiyaasiga Sakariye Xaaji Maxamuud oo xilal ka soo qabtay dowladihii kumeel gaarka iyo ururkii ARS ee lagu unkay magaalada Asmara ee dalka Eretira ayaa ka hadlay arrimo badan oo siyaasadda maanta.

Isagoo la hadlaayay Idaacadda Dalsan ee magaalada Muqdisho ayuu sheegay in dhaqan fiican uusan ahayn markasta in ay is qabtaan madaxweynaha iyo raysal wasaaraha.

Wuxuu sheegay in madaxda dalka looga baahan yahay siddii uga fikiri lahaayeen shacabka ka soo daalay colaada iyo siyaasad xumuda dalka ka soo jirtay 23-kii sanno ee la soo dhaafay.

Sakariya oo ka hadlay khilaafka soo kala dhexgalay madaxweynaha iyo raysal xilka ka degaya wuxuu ku tilmaamay siyaasad xumo.

Ugu dambeyn Sakariye Xaaji Maxamuud, ayaa madaxda dowladda Soomaaliya ka codsaday in ay shaqadooda ugu badan ay galiyaan wax u qabadka dadka iyo dalka.

Sakari Xaaji Maxamuud ayaa soo nooqday wasiirka warfaafintii dowladii Cabdiqaasim Salaad Xasan sannadkii 2000, dabadeed wuxuu noqday guddoomiyaha ku-xigeenka Isbahaysiga Dib u Xoreynta Garabkii Xasan Daahir Aweys ee joogay Asmara.

Caasimada Online

Xafiiska Wararka Muqdisho

Somalia can learn from Nelson Mandela, Foreign Minister says

Wararka

-

December 6, 2013

Her Excellency Fawzia Yusuf H. Adam, Deputy Prime Minister and Foreign Minister, today paid tribute to the late Nelson Mandela, hailing his example of reconciliation, national unity and peace-building as a critical lesson for Somalia.

“Today in Paris, accompanied by so many African leaders, we are all in mourning for the loss of Africa’s greatest son. We celebrate him as a freedom fighter and tireless campaigner for justice, a shining example of what the human spirit can achieve against all odds.”

“For me as a Somali he is also the greatest symbol of national unity, a lesson in what a country can achieve when it sets aside its divisions and works together for a greater good. What society in Africa was ever more divided than apartheid South Africa? And yet look at it now, the rainbow nation, a country at ease with itself and its neighbours, an economic powerhouse admired across the world. How appropriate that we are here to discuss peace and security in Africa, perhaps the greatest legacy Mandela gave to South Africa and the world.”

The Foreign Minister said Somalis needed to take a hard look at themselves and reflect on what Mandela had achieved for his country.

“Surely if we learn one thing from Mandela it is this: that conflict and political fighting lead us nowhere and national unity is the only way forward. We have put the world’s longest running civil war behind us, which is already a major achievement. We must now come together as a nation and make sure we build a Somalia that is completely free from conflict for our children and grandchildren.”

“I am confident that this summit will enhance relations between France and Africa and strengthen bilateral relations with Somalia and thereby boost security and economic prosperity in our country.”

The Foreign Minister was speaking after meeting President François Hollande, who is hosting the two-day Élysée Summit for Peace and Security in Africa. The gathering brings together heads of state and leaders of 53 countries, together with UN Secretary-General Ban Ki-moon, African Union Commission Chairperson Nkosazana Dlaimini Zuma, President of the European Commission José Manuel Barroso, President Herman van Rompuy, President of the European Council, and senior representatives from the World Bank, IMF and African Development Bank.

Video: Muqdisho & habeen xusuus leh

Xulka

-

December 6, 2013

Caasimada Online: Magaalada Caasimadda ah ee Muqdisho oo horumarkeeda ay gaartay in Xiliga Habeenkii ay Shacabka u damaashaad tagaan goobo aad kad areemi akrtid in amaanka uu yahay mid sidii xiligii bariisamaadka oo kale.

Muqdisho ayaa sidaa noqotay marnaba qalbigaada ma soo galaya ee nala daawo muuqaal Habeen Xusuus geliyay Muqdisho sida ay ahaan jirtay Xiligii Bariisamaadka,,, “ANAA HUBO WAAD QIIROON DOONAA EE DAAWO BARNAAMIJKAAN…”

HALKAAN KA DAAWO:

NELSON MANDELA oo geeriyooday

Wararka

-

December 6, 2013

Johannesburg (Caasimada Online) – Madaxweynihii ugu horeeyey ee madow ah ee dalka Koonfur Africa Nelson Mandela, ayaa caawa geeriyooday, waxaa sidaas ku dhowaaqay madaxweynaha South Africa Jacob Zuma.

Mr. Mandela oo 95 jir ahaa, ayaa hogaamiyey xukun kala wareegii madaowga ee caddaanka laga tirada badan yahay, sanadihii sagaashamaadkii, kadib 27 sano oo uu xabsi ku jiray.

Waxa uu gar gaar caafimaad oo xoog badan uu ku helayey gurigiisa, asaga oo infection uu ka qabay sambabka, kadib saddex bilood oo uu ku jiray isbitaalka.

Hadal uu ka jeediyey TV-ga ayuu Mr. Zuma ku yiri “Mr. Mandela waa naga tagay, si nabad leh”.

“Waddankeenii waxa uu waayey wiilkoodii ugu weynaa” ayuu raaciyey.

Caasimada Online

Xafiiska Johannesburg

Wargelin: Deeq fatahaada Jowhar loo ururinayo (Virginia, USA)

Wararka

-

December 6, 2013