Maxaa xalay ka dhacay Muqdisho?

By Asad Cabdullahi Mataan

Qarax dad shacab ah ay wax ka soo gaareen ayaa waxaa uu ka dhacay degmada Dharkenley ee gobolka Banaadir ka dib markii kooxo hubaysan oo aan la garanaynin ay bam tuureen.

Bamkaan ayaa waxaa ay kula beegsadeen kooxahan halka looyaan  Macmacaanka oo Ciidamo dowlada ka tirsan ay halkaas marayeen laguna weeraray bamka.

Dad shacab ah ayaa inta badan waxyeelo ay ka soo gaartay qaraxa oo habeenkii xalay dhacay,waxaana ku dhintay labo ruux halka dhaawaca uu yahay shan kale oo shacab ah.

Qaraxa ka dib waxaa baxsaday kooxihii qaraxa ka dambeeyay balse aan la qaban markii ay ciidanka dowlada ay howlgal kooban  sameeyeen.

Ma jirto Askari dowlada oo waxyeelo ay ka soo gaartay qaraxa,waxaana dadka dhaawacmay la dhigay Cisbitaalada Muqdisho.