Tababaraha Manchester United Sir Alex Ferguson ayaa New York Isbuucaan kula kulmay tababarihii hore ee Barcelona Pep Guardiola, oo aan weli go’aan ka gaarin mustaqbalkiisa, sida uu qoray wargeyska The Sun.
Macalinka United ayaa u duulay Mareykanka isaga iyo weliba xaaskiisa Cathy xilli ay soo dhowdahay ciida Kirishtanka.
Laakiin sidoo kale wuxuu la kulmay Guardiola, iyadoo la ogyahay inuu sidaan oo kale laba mar ula kulmay, iyadoo labadaan nin ay guryo ku leeyihiin Mareykanka.
Ma cada hadii uu Tababaraha United, kaasoo 71 jirsanaya sanadka cusub uu sii kordhin doono 26-ka sano ee uu Red Devils hugaaminaayey.
Guardiola hadii uu diyaar yahay markaas waa ninka koowaad ee Old Trafford laga doonayo, Bayern Munich iyo Chelsea ayaana sidoo kale si aad ah u daba jooga, sida uu SunSport ogaaday 25kii November.
United ayaa ninkaan ka door bideysa Jose Mourinho laakiin tababaraha Everton David Moyes, oo 49 jir ah, ayaa sidoo kale ugu cad cad bedelka Ferguson.
Guradiola, oo 41 jir ah, ayaa ka tegay Barca dhamaadkii xilli ciyaareedkii lasoo dhaafay ka dib markii uu ku hugaamiyey sedax horyaal iyo laba Champions League, labada Koob ee kooxaha Yurub Finaladooda wuxuu ka qaaday United.
Mourinho ayaa qarka u saaran inuu ka tago Real Madrid xagaaga laakiin dad badan oo ku sugan Old Trafford ayaa isha la raacaya.
Waxaa Qoray: Ahmed Jaangoan
E-mail: jaangoan@yahoo.com
Caasimada — Mogadishu.
