Muqdisho (Caasimada Online)-Dowlada Mareykanka ayaa Taliska Ciidamada AMISOM ee Somalia ku wareejisay Gaadiid nooca dagaalka ah oo lagu biirinaayo kuwa ay isticmaalan Ciidamada AMISOM.
Gaadiidkaani dagaalka oo casri ah ayaa lagu wareejiyay Taliska AMISOM ee Somalia, waxaana la sheegay in tirro ahaan ay gaarayaan ilaa 16 gaari oo u badan nooca dul banaanka ah.
Gaadiidkaani ayaa waxaa lagu wareejiyay Taliyayaal iyo Saraakiil ka tirsan Ciidamada AMISOM, waxaana wareejiyay Saraakiil ay soo wakiilatay Wasaarada Gaashandhiga Mareykanka.
Gaadiidkaani qaar ayaa waxaa ku xiran agab aysan isticmaalin Ciidamada AMISOM, kuwaa oo fashiliya Qaraxyada, waxaana la xaqiijiyay inaanu saameyn ku yeelan karin Qaraxyada.
Qalabka ku xiran ayaa la sheegay inuu hakinaayo Qarax waliba Nooca la aaso, Nooca rimuudka iyo Nooca lagu soo miidaamiyo gaadiidka ay Maleeshiyadu ku fuliso Qaraxyada.
Dowlada Mareykanka ayaa ah Dowlada Seddexaad ee garabka u ah Somalia marka laga soo tago Dowladaha Turkiga iyo Britain.
