Garoowe (Caasimada Online) – Magalada Garoowe ee xarunta gobolka Nugaal Puntland, waxaa maanta gaaray waxgarad ka mid ah odayaasha dhaqanka deegaanada Maamulka Somaliland, ayada oo halkaasi si weyn loogu soo dhaweeyey.
Waxgaradkaas oo ka tegay deegaano ka tirsan gobolka Awdal ayaa waxaa hoggaaminaya Suldaan Cabdi Gahayr Maxamud oo ka mid ah ddayaasha dhaqanka ee ugu caansan deegaanada Maamulka Somaliland.
In kastoo uusan faah faahin ka bixin sababta ka dambeysay safarkiisa ayaa hadana wararka aan heleyno waxa ay sheegayaan in uu doonayo xalinta xiisada dagaal ee u dhaxeysa Puntland iyo Somaliland taas oo ka taagan deegaanada Tukaraq.
Arrinta cajiibka ayaa ahayd in in Suldaan Cabdi oo garoonka Garoowe kala degay calan cad, taasi oo dad badan ay aad usoo dhaweysay.
Waxaa la filayaa in saacadaha soo socda uu kulamo kala duwan uu la qaato waxgaradka magaalada Garoowe si xiisadaas loo qaboojiyo, isla markaana ciidamada loo kala qaado.
