Sawirro: Qorshe ay shirkad Turkish ah damacsan tahay oo laga diiday XAMAR

By Asad Cabdullahi Mataan

Muqdisho (Caasimada Online) – Boqolaal ka tirsan xoogsatada dekadda magaalada Muqdisho ayaa dhigay bannaanbax ay ugu cabanayeen shirkadda Albarak oo laga leeyahay dalka Turkiga oo lagu wareejiyay maamulka dekadda Muqdisho, taasoo sheegtay in ay dhimeyso shaqaalaha ka howlgala dekadda.

Xoogsatada bannaanbaxa dhigay ayaa waxay wateen boorar ay ku qornaayeen halku dhigyo ay ka mid yihiin waa shaqeysanaaye yaan shaqo la’ aan nala dhigin iyo erayo kale.

Waxay sheega in ay aad uga xun yihiin in iyagoo shaqo haysto shaqa la’aan la dhigo iyo in ay cabasho  ka yihiin shirkadda Turkiga  ee ALBARAK, taasoo ay dowladda Soomaaliya ku wareejisay dekeda Muqdisho.

Qaar ka mid ah Xoogsatada ayaa sheegay inay aad uga cabanayaan hadal ka soo yeeray Shirkadan laga leeyahay Turkiga, kaasoo ahaa in la yareeyo xoogsatada Dekeda ka xamaasha

Gudoomiyaha Isu Tagga Ururweynaha shaqaalaha Soomaaliyeed  Maxamed Cismaan Xaaji oo halkaasi ka hadlay ayaa sheegay   in shaqo la’aanta ka dhex jirta dhalinyarada Somaliyeed ay noqotay dhibaato wayn, taasi oo dhalinyarada ku khasbaysa inay iskaga haajiraan dalka ama ay ka qayb qaataan burcad badeednimo iyo falal danbiyeedyada kale ee dalka ka jira.

Maxamed Cismaan ayaa sheegay in haddii ay dhacdo shaqaale shaqeysanaya, shaqo la’aan ku dhacdo taasi ay suuurta gal ka dhigeyso in ay sii kordhaan falal danbiyeedyadu galaan dhalinyarada.

Shirkadda Albarak oo ah shirkad laga leeyahay Turkiga ayaa lagu wareejiyay howlaha dekadda Muqdisho, waxayna sheegtay in aan loo baahneyn tirada badan ee ka howlgala dekadda, wixii ay qaban jireena shaqaalahaasi badalkeed loo adeegsan doono qalab casri ah.

?????????????????????????????????????????????????????????????????????????????????????????????

Caasimada Online

Xafiiska Muqdisho

Caasimada@live.com