Sawirro: Shirkad Turkish ah oo dhaqaale ka hesha Muqdisho oo 50 kun dollar dib u bixisay

By Ali Muhiyaddiin

Muqdisho (Caasimada Online) – Shirkadda gacanta ku haysa ee  maamusha dekadda magaalada Muqdisho ee laga leeyahay dalka Turkiga ayaa noqotay shirkaddii ugu horeysay ee ajnabi ah oo dhaqaale ku taageerta dadka abaaraha ku dhufteen ee gobolada Somalia.

Shirkadda Albayrak Group ee Turkiga ayaa dhaqaale gaaraya $50,000 ugu deeqday dadka Soomaaliyeed ee abaaraha ku dhufteen, waxayna ku wareejiyeen guddiga abaaraha  check lacageed ku loran 50,000 USS Dollar.Shirkadda Albayrak Group ayaa noqoneysa shirkaddii ugu horeysay ee ajnabi ah oo ka shaqeysa gudaha Somalia oo dadka abaaraha ku dhufteen ugu deeqa dhaqaale loogu gurmanayo.

Madaxweynaha Turkiga iyo hay’addaha dalkaasi ee ku sugan Muqdisho ayaa muujiyay gurmadka loogu jiro samatabixinta dadka abaaraha ku dhufteen, iyadoo madaxweyne Recep Tayyip Erdoğan uu bilaabay olole dhaqaale loogu aruurinayo dadka abaareysan ee bariga Afrika.   Caasimada Online
Xafiiska Muqdisho
Caasimada@live.com