Sawirro: Talyaiga oo soo bandhigay Markabka Muhaajiriin laga xanibay Dekeddaha Talyaaniga

AvatarBy Asad Cabdullahi Mataan

Muqdisho (Caasimada Online)-Sida ay qoreen wargeysyada kasoo baxa dalka Talyaaniga waxaa la mamnuucay gabi ahaan qaxootiga ajaaniibta ah ee kasoo degi jiray Dekeddaha dalka Talyaaniga.

Wargeysyada oo xiganaaya Dowlada Talyaaniga ayaa sheegay in dhaqaale xoogan lagu bixinaayo joojinta Qaxootiga ka yimaada Afrika ee sifaha sharci darada ah ku gala Talyaiga.

Wasiirka cusub ee arrimaha gudaha ee Taliyaaniga Matteo Salvini, oo lagu xigtay wargeysyada ayaa sheegay in dowlada Talyaaniga aysan ka raali noqon doonin muhaajiriindanbe.

Matteo Salvini, waxa uu diiday in Markab soo badbaadiyay muhaajiriin ay tiradooda dhan tahay 600 oo qof uu ku soo xirto dalka Taliyaaniga.

Xukuumadda Malta ayaa sheegtay in hay’ad laga leeyahay dalka Jarmalka oo lagu magacaabo SOS ay muhaajiriintan ka soo qaaday biyaha dalka Liibiya islamarkana sharciyan ay hoos imaanayaan Taliyaaniga.

Sidoo kale, Hay’adda SOS Mediterranee ayaa sheegtay in 33,000 oo muhaajiriin ah ay  gaaren dalalka Yurub sanadkan iyaga oo sii maray badda.