Sawirro: Xildhibaano uu ku jiro Mursal oo tagey dekeda iyo baarlamaanka Jabuuti

Asad Cabdullahi MataanBy Asad Cabdullahi Mataan

Jabouti (Caasimada Online) – Guddoomiyaha Golaha Shacabka Soomaaliya Maxamed Mursal Sheekh Cabdiraxmaan iyo wafdi uu hoggaaminayo oo safar ku jooga dalka Jabuuti ayaa Maanta  waxa ay booqdeen Xarunta Baarlamaanka iyo Dekadda dalkaasi Jabuuti.

Guddoomiyaha ayaa waxaa Koormeerka ku wehlinaayay Guddoomiyaha baarlamaanka Jabuuti iyo mas’uuliyiin ka tirsan dowladda Jabuuti.

Guddoomiyaha iyo wafdigiisa ayaa xarunta baarlamaanka Jabuuti kulan kula yeeshay guddoomiyaha iyo Xildhibaanada baarlamaanka Jabuuti.

Kulanka ayaa ahaa mid lagu xoojinaayay xiriirka walaaltinimo ee ka dhaxeeya labada dowladood iyo labada baarlamaan.

Guddoomiye Maxamed Mursal Sheekh Cabdiraxmaan ayaa dalka Jabuuti waxa uu u tegay in Shacabka iyo dowladaba uu kala qeyb qaato munaasabada 27-July oo ku beegan markii dowladda Jabuuti ay xurnimada ka qaadatay gumeystihii Faransiiska.