SHARIIF Xasan oo war cusub uu kasoo yeeray kana hadlay qorshe ka socda…

Asad Cabdullahi MataanBy Asad Cabdullahi Mataan

Muqdisho (Caasimada Online)-Guddoomiyihii horre ee baarlamaanka Soomaaliya, Shariif Xasan Sheekh Aadan ayaa sheegay in uu dhawaan tagi doono magaalada Beydhabo ee xarunta gobalka Baay, halkaasoo uu ka socdo labo shir oo iska soo horjeeda lagu dhisaayo labo maamul gobaleed.

Shariif Xasan waxaa kaloo uu sheegay in la qaban doono doorashada maamulka seddax gobal ee Baay, Bakool iyo Shabeellaah Hoose.

Wuxuu kaloo sheegay in doorashadaas ay noqon doonto mid ay ku farxi doonaan dadka deggan seddaxda gobal, dowladda Soomaaliya iyo beesha caalamka sidda sidda yiri.

Shariif Xasan ayaa bogga Facebook uu ku lee yahay ku soo qoran qoraalkan gaaban: “Dhowaan waxaan Booqan doonaa Baydhabo, 27 Bishaan oo maalin khamiis ah ku beegana waxaan qaban doonaa Doorashadii Maamulka 3 Gobol Baay, Bakool iyo Shabelaha Hoose, Waxaana kasoo bixin doonto natiijo ay ku farxi doonaan dadka Degaanka, DF iyo Beesha Calamkuba.”

Shariif Xasan waa siyaasi galaagal badan oo la socda siyaasada Soomaaliya.

Caasimada online

Xafiiska Wararka Muqdisho

Caasimada@live.com