Muqdisho (Caasimada Online) – Kadib wareegto uu maanta soo saaray ra’iisul wasaaraha xukuumadda federaalka Soomaaliya, Mudane Xamza Cabdi Barre ayaa waxa uu ku magacaabay wasiiro cusub oo kamid noqonayo golihiisa wasiirada.
Xamza oo soo dhammeystiray wasaarado muddo banaanaa ayaa magacaabay illaa 4 wasiir iyo hal wasiiru dowle, kuwaas oo ay kamid yihiin:-
Axmed Macallin Fiqi oo loo magacaabay wasiirka arrmaha dibadda Soomaaliya, waxaana xilkii uu hayay ee wasaaradda arrimaha gudaha loo magacaabay Cali Yuusuf Xoosh. Sidoo kale Janaraal Cabdullaahi Sheekh Ismaaciil Fartaag ayaa waxaa loo magacaabay wasiirka amniga gudaha, halka Xildhibaan Cabdullaahi Bidhaan Warsame isna loo magacaabay wasiirka tamarka iyo biyaha Soomaaliya.
Maxamed Aadan Macallin ayaa isaguna loo magacaabay wasiirka boostada, halka Axmed Cumar Maxamed loo magacaabay waiiru dowlaha wasaaradda bay’ada iyo isbeddelka cimilada Soomaaliya.
Sidee looga falceliyay tallaabadan uu maanta qaaday ra’iisul wasaaraha Soomaaliya?
Cabdikariin Barre oo kamid ah dadka isticmaalaha baraha bulshada ayaa yiri “Arrimaha dibada nin adag baa loodhiiibay hambalyo Kabiirka”.
Kabayare Cabdifitaax “Hambalyo shaqo wacan kuwii dalka wax u qabta Allaha idinka dhigo o aaun tugo noqon”.
Yuusuf Cabdullahi “Marka danaha siyaasadeed laga hormariyo danaha uu dalka leeyahay waa sidaan cml”.
Jimcaale Cadde “Waa Ra’iisul wasaare u taagan dalkiisa iyo dadkiisa shaqo wanaagsan adiga iyo golahaga wasiiradaba Well Done”.
Naciimo Ibraahim “Haddii Axmed Macallin Fiqi arrimo dibad loo dhibay waa ahaanay”.
Cabdirisaaq Salaad “Waanu soo dhowaynaynaa wasiirada cusub ee mudane R/wasaare Xamze Cabdi Barre magacaabay”.
Asad Bashiir “Maxey soo kordhinayaan marka hala magacaabee?”.
Yuusuf Xuseen Nuur “Isbuuca kahor aan ogeen shekada magacaabista dowlad aan sir lehayn”.
