Somaliland oo dad u xirtay dagaalkii LAASCAANOOD

Istar Cabdi YuusufBy Istar Cabdi Yuusuf

Hargeysa (Caasimada Online) – Wararka naga soo gaaraya gobolka Sool ayaa sheegaya in saacadihii la soo dhaafay ciidamada Somaliland ay howlgallo ka sameeyeen gudaha magaalada Laascaanood ee xarunta gobolkaaasi.

Howlgallada oo ahaa kuwa bllaaraan ayaa lagu soo qab qabtay dad la sheegay inay ka dambeeyeen dagaal shalay ka dhacay magaaladaasi.

Ciidamada ayaa xabsiga dhigay illaa 10 qof oo lagu eedeeyey inay dagaal la galeen ciidamo burburin ka waday magaalada Laascaanood ee xarunta gobolka Sool.

Dadkan oo isugu jira rag iyo dumar ayaa xalay ku hoyday saldhigga Booliska ee degmadaasi.

Sidoo kale waxaa guul darro ku soo dhamaaday dadaallo ay waxgaradka deegaanku ku doonayeen in lagu soo daayo dadkaasi.

Xaaladda ayaa saaka kacsan, iyadoona ciidamo dheeraad ah lagu arkayo waddooyinka magaaladaasi.

Caasimada Online
Xafiiska Hargeysa
caasimada@live.com